Lilly Reich

Lilly Reich (16. juni 1885–14. desember 1947) var ein tysk formgjevar innan modernismen.

Lilly Reich
Statsborgarskap	Tyskland
Fødd	16. juni 1885 Berlin
Død	14. desember 1947 (62 år) Berlin
Yrke	designar, arkitekt, interiørarkitekt
Språk	tysk
Medlem av	Deutscher Werkbund, Bauhaus
Lilly Reich på Commons

Liv og virke

Reich var fødd i Berlin, og byrja karrieren sin i tekstilindustrien. I 1908 flytta ho til Wien, der ho møtte møbeldesignaren Josef Hoffmann og dei starta eit samarbeid. I 1914 starta ho sitt eige designstudio og i 1920 blei ho, som fyrste kvinne, utnemnd til president i kunsthandverkarsamkipnaden Deutscher Werkbund. I samband med denne oppdraget møtte Reich arkitekten Ludwig Mies van der Rohe. Dei innleidde eit forhold, og byrja samstundes eit samarbeid før verdsutstillinga i Barcelona i 1929. Saman designa dei innreiinga til den tyske paviljongen, og året etter interiøret til Villa Tugendhat (som Mies sjølv hadde teikna). I samband med desse prosjekta blei designklassikarar som Barcelona-stolen, Brnostolen og Tugendhatstolen utvikla.

Interiør frå Villa Tugendhat.

I 1938 utvandra Mies til USA, medan Reich valde å bli verande i Tyskland. Der heldt ho fram med å verka fram til ho døydde i 1947.

Lilly Reich er representert i samlingane til Museum of Modern Arts.

Kjelder

• Denne artikkelen bygger på «Lilly Reich» frå Wikipedia på svensk, den 10. november 2024.