Lord of the Lost
Lord of the Lost er eit tysk gothmetalband frå Hamburg, skipa i 2007 av songaren og frontfiguren Chris Harms. Bandet representerte Tyskland i Eurovision Song Contest 2023 med songen «Blood & Glitter».[1]
| Lord of the Lost | |||
 Lord of the Lost i 2023 | |||
| Aktiv | 2007– | ||
|---|---|---|---|
| Sjanger | gothmetal, Industrimetall, gothic rock, dark rock | ||
| Plateselskap | Napalm Records, Out of Line Music | ||
Bakgrunn
endreLord of the Lost blei skipa i 2007 av Chris Harms som eit soloprosjekt. Mens han jobba med sine fyrste songar og publiserte dei på MySpace, fekk han mange positive tilbakemeldingar og innsåg at han trengte eit heilt band for å framføre låtane live. Han rekrutterte musikarar blant venar og kjente frå musikkmiljøet i Hamburg og byrja arbeidet på det fyrste albumet til bandet.[2] Harms kalla fyrst gruppa for Lord, men endra namnet til Lord of the Lost for å unngå namnekonflikt med banda Lordi og The Lords.[3]
Debutsingelen «Dry the Rain» kom i 2009, mens debutplata Fears blei gjeven ut i 2010 på det uavhengige merket Out of Line.[4] Mens bandet spelte inn oppfølgjaralbumet Antagony, drog Lord of the Lost på ein utvida turné, blant anna på festivalar som Wave-Gotik-Treffen, Wacken Open Air og M'era Luna Festival.[5]
Våren 2011 ut gav Lord of the Lost ut singelen «Sex on Legs» som den fyrste singelen frå albumet Antagony. Og sommaren 2012 kom tredjealbumet Die Tomorrow.
I februar 2014 forlot trommis Christian Schellhorn bandet og blei erstatta av Tobias Mertens. I mars 2014 drog bandet på sin fyrste USA-turné, finansiert av folkefinansiering. I løpet av to månader samla fans og sponsorar inn 12 775 amerikanske dollar.[6]
Dei neste åra følgde fleire livealbum og EP-ar, og albumet Empyrean.
Steve Harris frå Iron Maiden valde personleg[7] Lord of the Lost som støtteband for europaturnéen til Iron Maiden i 2020, men turneen blei avlyst på grunn av koronapandemien. Turneen blei i staden tatt opp att i 2022, og Lord of the Lost var støtteband i 17 europeiske byar i verdsturnéen til Iron Maiden Legacy of the Beast.[8] Iron Maiden fornya samarbeidet med bandet på Europa-delen av verdsturneen The Future Past i 2023.[9]
I desember 2022 gav Lord of the Lost ut studioalbumet Blood & Glitter, som toppa den tyske albumlista.[10]
I 2023 deltok Lord of the Lost i musikktevlinga Unser Lied für Liverpool, der vinnaren fekk representere Tyskland i Eurovision Song Contest 2023 i Liverpool. Bandet deltok med låten «Blood & Glitter» og vann tevlinga etter å ha fått flest poeng fra sjåarane. Det fekk dermed representere Tyskland i Eurovision-finalen laurdag 13. mai 2023.[1][11] I finalen enda bandet sist av 26 deltakarar.[12]
Medlemmar
endreBandmedlemmane har ofte, men ikkje alltid, scenenamn. Dersom kjent, er namnet på artisten ført opp i parentes etter scenenamnet.
Noverande medlemmar
- Chris «The Lord» Harms – vokal, gitar, cello (2007–)
- Class Grenayde (Klaas Helmecke) – bass (2008–)
- Gared Dirge (Gerrit Heinemann) – piano, synthesizer, slagverk, gitar, theremin (2010–)
- π (Pi Stoffers) – gitar (2016–)
- Niklas Kahl – trommer (2017–)
Tidlegare medlemmar
- Sensai (Stefan Ehrhardt) – gitar (2008–2010)
- Sebsta Lindström (Sebastian Makowski) – gitar (2008–2011)
- Any Wayst (Anika) – trommer (2008–2011)
- Bo Six (Borislav Crnogorac) – gitar (2009–2016)
- Disco (Christian Schellhorn) – trommer (2012–2014)
- Tobias Mertens – trommar (2014–2017)
Diskografi
endreStudioalbum
endre- 2010: Fears
- 2011: Antagony
- 2012: Die Tomorrow
- 2014: From the Flame into the Fire
- 2016: Empyrean
- 2018: Thornstar
- 2021: Judas
- 2022: Blood & Glitter
Kjelder
endre- ↑ 1,0 1,1 «Lordof the Lost is Germany's pick for Liverpool». eurovision.tv (på engelsk). 4. mars 2023. Henta 4. mars 2023.
- ↑ Marjon Smaling (videofotograf) (9. april 2010). Rockpics.nl presents an interview with Lord of the Lost (video). Osnabrück.
- ↑ Stahl, Pamela (21. februar 2010). «Lordof the Lost». www.mindbreed.de (på tysk). Henta 4. mars 2023.
- ↑ «Review| LORD OF THE LOST - Fears | POWERMETAL.de». powermetal.de. Henta 4. mars 2023.
- ↑ «Lordof the Lost Setlist at Wave Gotik Treffen 2010». setlist.fm (på engelsk). Henta 4. mars 2023.
- ↑ «HelpBring Lord Of The Lost To The USA!». Indiegogo (på engelsk). Henta 4. mars 2023.
- ↑ «“It was clear that the album would not be something religious, or about the church, or all these crappy stuff – it should be about the character of Judas” – exclusive interview with Niklas Kahl about the new Lord Of The Lost album, “Judas”». MyTouché Blog (på engelsk). 30. juni 2021. Henta 4. mars 2023.
- ↑ «LegacyOf The Beast World Tour - 2022 - Iron Maiden». www.ironmaiden.com (på engelsk). Henta 4. mars 2023.
- ↑ «TheFuture Past Tour - 2023 - Iron Maiden». www.ironmaiden.com (på engelsk). Henta 4. mars 2023.
- ↑ «OffizielleDeutsche Charts - Offizielle Deutsche Charts». www.offiziellecharts.de. Henta 4. mars 2023.
- ↑ NDR. «Infosund Hintergründe zum ESC-Vorentscheid "Unser Lied für Liverpool"». www.eurovision.de (på tysk). Henta 4. mars 2023.
- ↑ «GrandFinal of Liverpool 2023 - Eurovision Song Contest». eurovision.tv. Henta 18. mai 2023.
- Denne artikkelen bygger på «Lord of the Lost» frå Wikipedia på bokmål, den 12. desember 2023.