Lovleg

Lovleg er ein dramaserie på NRK TV. Serien følgjer tenåringen Gunnhild som har flytta heimanfrå for å byrje på vidaregåande skule på Sandane. Episodane fokuserer på ulike ting som skjer i kvardagen til Gunnhild. Innspelinga av serien er gjort i Gloppen kommune i Nordfjord.

Lovleg

Type	fjernsynsserie
Sjanger	Drama
Opphavsland	Noreg
Produksjonsland	Noreg
Sesongar	2
Episodar	20
Lengd	15–30 min. (per episode)
Språk	Norsk
Produsent	Hege Hauff Hvattum
Manus	Kjersti Wøien Håland
Regi	Harald Mæle Jr.
Klipp	Idun Kvasbø
Periode	23. august 2018– 11. april 2019
Kanal	NRK

NRK har omtala Lovleg som ein etterfølgjar til dramaserien Skam. Serien er eit samarbeid mellom Rubicon og NRK. Første sesong var på ti episodar og gjekk frå 23. august til 25. oktober 2018. Den andre sesongen, også på ti episodar hadde premiere 7. februar 2019 og var ferdig innspelt fredag 8. februar 2019.

Rolleliste

Hovudroller

• Kristine Ryssdalsnes Horvli som Gunnhild Kvam
• Silje Holm Carlsen som Sara Årdal
• Olav Barmen Trollebø som Alex Mundal Rey
• Runar Naustdal som Peter Andreas Helgheim

Biroller

• Ingrid Tykhelle Kayser som Luna Oksnes
• Magnus Henden som Ivar Nordseth
• Alexander Baraki Roth som David Ketema
• Daniel Alexander Skadal som Torstein Guddal
• Sondre Brandsøy som Lasse Feios
• Eiril Solveig Ugulen som Tina Indrebø

Gjesteroller

• Idun Losnegård som Mamma
• Fredrik Steen som Pappa
• Sarah Benfaddoul som Lærar
• Torunn Lødemel som Legen
• Jørgen Dølvik Husbyn som Rågivar
• Peter Skåden som Kniven

Prisar

Noregs Mållag gav i 2019 Målprisen til skaparane av Lovleg, som tok imot prisen på Firda vidaregåande skule på Sandane den 23. april 2019. Mållagsleiaren Magne Aasbrenn grunngav tildelinga med at Lovleg-universet viser nynorsk som eit levande, skriftleg bruksspråk.

Bakgrunnsstoff

• Lovleg på NRK TV
• Lovleg ved IMDb