Lunder kyrkje
Lunder kyrkje er kyrkja i Lunder kyrkjesokn og ligg ved tettstaden Sokna i Ringerike kommune. Det er ei krosskyrkje i lafta tømmer, utvendig kledd med staffpanel. Kyrkja var ei tid anneks under Hole kyrkje, men høyrer i dag inn under Norderhov prestegjeld, der Norderhov kyrkje er hovudkyrkje. Kyrkjene på Ringerike høyrer til Ringerike prosti som ligg i Tunsberg bispedøme.
| Lunder kyrkje | |||
| kyrkje | |||
 Foto: Tom Bjørnstad | |||
| Kyrkjesamfunn | Den norske kyrkja | ||
|---|---|---|---|
| Bispedøme | Tunsberg | ||
| Prosti | Ringerike | ||
| Sokn | Lunder | ||
| Fellesråd | Ringerike | ||
| Type | Krosskyrkje | ||
| Teknikk | Tømra | ||
| Innvigd | 23. september 1761 | ||
| Kyrkjegard | Ved kyrkja | ||
| Sitjeplassar | 300 | ||
 Lunder kyrkje 60°14′31″N 9°55′42″E / 60.24194444°N 9.92833333°E | |||
| Wikimedia Commons: Lunder kirke | |||
Det har truleg vore kyrkje på Sokna sidan 1200-talet. Den eldste kyrkja me kjenner var ei lita stavkyrkje som vart riven tidleg på 1700-talet. Denne stavkyrkja låg om lag ein kilometer nordvest for der Lunder kyrkje står i dag. I 1706 vart det innvigd ei ny kyrkje som vart kalla «Vor Frelsers Kircke» og var ei lafta krosskyrkje som låg om lag 300 meter søraust for den gamle stavkyrkja. I slutten av 1750-åra vart kyrkja flytt dit ho no ligg. Innviinga etter gjenoppbygginga fann stad den 23. september 1761. Sidan har kyrkja vorte restaurert fleire gonger, mellom anna i 1880-åra og i 1922–1924. Kyrkja har plass til om lag 300 personar, og det er kyrkjegard ved kyrkja.
-
Altar -
Døypefont -
Preikestol -
Skip
Litteratur
endre- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 522. ISBN 82-7527-022-7.
Bakgrunnsstoff
endre- Lunder kirke i «Norges Kirker»
- Else Marie Abelgård: Lunder kirke på Sokna hos Tunsberg bispedømme
- Om Lunder kyrkje på nettstaden disnorge.no
- Om Lunder sokn på nettstaden til Den norske kyrkja
- «Kirkebøker, Buskerud» på nettstaden til Arkivverket Arkivert 2009-03-05 ved Wayback Machine.
- Kart frå 1979 som viser kyrkjestader og soknegrenser, på nettstaden til Universitetet i Bergen
- «Lunder kyrkje». Kirkesøk. Den norske kyrkja.
- Lunder kyrkje i kulturminnesok.no, nettstaden til Riksantikvaren
- Denne artikkelen byggjer på Lunder kirke henta frå Wikipedia på bokmål 12. september 2005.