Nettlesaren Lynx

Lynx er den mest populære tekstbaserte nettlesaren for verdsveven. Han stør ikkje rammer, tabellar eller stilark. Denne nettlesaren er basert på curses, eit UNIX-bibliotek med funksjonar for å kontrollere utskrift til ein terminalskjerm frå eit C-program.

Lynx
Utviklar	Thomas E. Dickey
Utgjeve	1992
Nyaste versjon	2.9.0dev.12 (9. januar 2023)
Operativsystem	Unix-variant, Microsoft Windows, OpenVMS
Skriven i	C
Type	tekstbasert nettleser
Lisens	GPLv2
Nettstad	https://lynx.invisible-island.net/

Utviklinga av Lynx byrja ved universitet i Kansas, og det er det hovudsakleg Michael Grobe, Charles Rezac og Lou Montulli som har fått æra for arbeidet.

Lynx for brukarar med særskilde behov

I og med at det er mogleg å bruke lynx utan mus i det heile, er lynx svært populær blant brukarar som har særlege krav til nettlesaren sin. Blinde bruker t.d. lynx, og les teksten med braille-skrift. Dessverre er det mange nettsider som ikkje blir laga med lynx i tankane. Sjølv om hyperlenkjer kan identifiserast med hjelp av symbol eller bilete lagra som gif-filer, kunne webutviklarane godt ha laga ein tekst-identifikator «under» den grafiske identifikatoren. Wikipedia sine sider er gode døme på ein nettstad som kan lesast både med lynx og med grafiske nettlesarar.

Lynx kan også brukast i kontekstar der ein loggar seg på maskiner via ssh, utan å få eit grafisk grensesnitt.

Bakgrunnsstoff

• Offisiell nettstad
• Michael Grobe's personal recollections of Lynx development
• Extremely Lynx Lynx-ressursar Arkivert 2004-12-08 ved Wayback Machine.
• MacLynx Arkivert 2008-11-22 ved Wayback Machine.
• Lynx for Windows installasjonsprogram Arkivert 2011-07-21 ved Wayback Machine.