Mårbacka
59°46′52″N 13°14′1″E / 59.78111°N 13.23361°E
Mårbacka er ein herregard i Sunne kommun i Värmland i Sverige. Forfattaren Selma Lagerlöf vart fødd og voks opp på Mårbacka, og levde også dei siste åra av livet sitt der.
Byggnadshistorik
endreHovudbygninga vart oppført i 1793 og bygd om i 1921-1923 etter teikningar av arkitekt Isak Gustaf Clason.
Garden var eigd frå omkring 1720 av kapellanen Olof Morell og gjekk sidan i arv til to av hans etterfølgarar i embetet. I 1801 kom den gjennom arv i familien Lagerlöfs eige. Etter farens død i 1885 overtok sonen Johan garden, men han klarte ikkje drifta, og gjekk konkurs. Han flytta til USA og i 1889[1] og garden gjekk ut av slekta ettersom den var tvangsseld.[2] Selma Lagerlöf kjøpte attende hovudbygninga i 1907 og i 1910 kunne ho kjøpe tilbake heile garden ved hjelp av prispengane ho fekk med Nobelprisen i litteratur i 1909. Etter at ho nokre år seinare lét garden bygge om, stod det ikkje mykje att av den opphavlege utsjånaden til barndomsheimen hennar. Den opphavlege raudmåla våningshuset vart utvida austover, nye etasjar vart bygd på og den prangande fasaden fullbyrda transformasjonen til ein standsmessig herregard.
Mårbacka i dag
endreMårbacka er no eit museum, noko som er resultat av at Lagerlöf skreiv i testamentet sitt at Mårbacka skulle takast vare på og visast for ålmenta i den stand som den var ved hennar død.
Besøkande kan få ei guida omvising i våningshuset. I tilslutning til garden finst ein hage, kafé og bokhandel. I løa er det ei minneutstilling over Lagerlöf sitt liv og forfattarskap.
Kjelder
endre- Denne artikkelen bygger på «Mårbacka» frå Wikipedia på svensk, den 27. mai 2013.
- ↑ Selma Lagerlöf-sällskapet, arkivert frå originalen 15. januar 2011, henta 6. juni 2012
- ↑ Mårbacka, underverk 2 - Sunne kommun