Magnhild

Magnhild er eit kvinnenamn av norrønt opphav. Magn(h)ildr var sett saman av magn, 'styrke', og hildr, 'kamp, strid'.

Magnhild har namnedag den 29. mai.

Magnhild er særleg brukt i Noreg. Bruken av namnet steig kraftig frå 1880 fram til rundt 1930, då nær 1,0 % av nyfødde jenter blei kalla det. Deretter gjekk bruken ned, med eit lågpunkt sist på 1960-talet. I 2009 var det 3 835 norske kvinner som heitte Magnhild.

Namneberarar

• Magnhild Haalke (1885–1984), norsk forfattar
• Magnhild Havdal Almhjell (1894–1985), norsk folkemusikkutøvar
• Magnhild Meltveit Kleppa (f. 1948), norsk stortingspolitkar og statsråd
• Magnhild Bruheim (f. 1951), norsk forfattar
• Magnhild Mathisen (f. 1953), norsk sametingspolitikar

Kjelder

• «Magnhild» i Store norske leksikon, snl.no.