Makijivka

Makijivka (ukrainsk Макіївка; russisk Макеевка, Makejevka; tidlegare namn: Dmytrijivsk, Dmytrijevskyj) er ein industriby aust i Ukraina i Donetsk oblast (provins), 25 km frå Donetsk. Byen har kring 390 000 innbyggjarar (2004). Han har eit viktig senter for stålindustri og kolgruvedrift i landet. Donetsk og Makijivka har meir eller mindre vokse i saman, så det er vanskeleg å sjå kvar den eine sluttar og den andre byrjar. Sidan 2014 har byen vore kontrollert av den såkalla folkerepublikken Donetsk.

Makijivka
Макіївка
by
Flagg våpen
Land	Ukraina
Oblast	Donetsk oblast
Rajon	Makijivka bykommune
Høgd	169 moh.
Koordinatar	48°05′0″N 38°04′0″E
Areal	218,2 km²
Folketal	389 589  (2004)
Folketettleik	1 785 / km²
Grunnlagd	1696
- Byrettar	1925
Borgarmeister	Oleksandr Maltsev
Postnummer	86100-86180
Retningsnummer	+380 6232
Makijivka 48.055555555556°N 37.961111111111°E / 48.055555555556; 37.961111111111
Wikimedia Commons: Makiivka
Nettstad: makeyevka.dn.ua

Historie

Lenge trudde ein at Makijivka vart grunnlagd i 1777, men nyare forsking har vist at han vart nemnd i skriftlege kjelder kring 1696. Den første gruva nær byen vart opna i 1875. I 1899 vart det grunnlagd ein metallurgi-busetnad i nærleiken kalla Dmytrijevsk.

Makijivka var berre ein liten landsby då han vart slått saman med den nærliggande Dmytrijivsk. Dmytrijivsk utvikla seg så til ein av dei største kolgruve- og industrisentera i Donetsbekkenet. I 1931 fekk Dmytrijivsk-Makijivka det nye namnet Makijivka.

I 1939 budde det 8000 jødar i Makijivka. I 1942 melde nazistane at Makijivka no var "fri for jødar". Nazistane avretta i alt 493 personar her.

I september 2006 vart den første synagogen i byen reist, den første på nesten 70 år. .

Kjelder

• Denne artikkelen bygger på «Makiivka» frå Wikipedia på engelsk, den 9. september 2012.

Bakgrunnsstoff

• makeyevka.dn.ua Arkivert 2006-09-01 ved Wayback Machine. - Offisiell nettstad for Makijivka (engelsk)/(ukrainsk)/ (russisk)