Makrónisos

Makrónisos (gresk skrift Μακρόνησος) er ei øy i Hellas i Egearhavet. Øya ligg nær kysten til Attikí utanfor hamna Lávrio. Ho er 3 km lang frå nord til sør og om lag 500 meter brei frå aust til vest. Terrenget er tørt og steinete. I antikken vart øya kalla Helena.

Makrónisos Μακρόνησος
øy
Flyfoto av Makrónisos
Land	Hellas
Periferi	Dei sørlege egeiske øyane
Periferieining	Kéa-Kýthnos
Kommune	Kéa
Del av	Kykladane
Stad	Egearhavet
Areal	20 km²
Folketal	6  (2021)
Makrónisos 37.7°N 24.12°E / 37.7; 24.12
Wikimedia Commons: Makronisos

Øya er ein del av kommunen Kéa, som høyrer til periferieininga Kéa-Kýthnos i periferien Dei sørlege egeiske øyane, sjølv om Makrónisos tradisjonelt ikkje blir rekna til øygruppa Kykladane.

I dag bur det berre 6 på øya. Frå den greske borgarkrigen til gjenopprettinga av demokratiet etter at det greske militærregimet braut saman, vart ho nytta som fengsel for greske kommunistar. Nokre fangar på Makrónisos var Apostolos Santas, Nikos Koundouros, Mikis Theodorakis, Leonidas Kyrkos og Thanasis Vengos. På grunn av historia si vert øya rekna som eit monument for borgarkrigsperioden, og ho er derfor verna for vidare utvikling.

Det var i sundet mellom Makrónisos og Kéa at HMHS «Britannic», søsterskipet til RMS «Titanic», sokk i 1916.

Kjelder

• Denne artikkelen bygger på «Makronisos» frå Wikipedia på engelsk, den 10. august 2007.
  • Wikipedia på engelsk oppgav desse kjeldene:
• Hamilakis, Yannis, «The Other 'Parthenon': Antiquity and National Memory at Makronisos», Journal of Modern Greek Studies 20:2 (Okt 2002), s. 307-338.