Malcolm Mooney
Malcolm Mooney er ein amerikansk songar, diktar og kunstnar, truleg mest kjend som den første vokalisten for det tyske krautrockbandet Can.
| Malcolm Mooney | |||
| Fødd | 20. hundreåret | ||
|---|---|---|---|
| Fødestad | USA | ||
| Opphav | USA | ||
| Sjanger | rock | ||
| Instrument | song | ||
| Tilknytte artistar | Can, Tenth Planet | ||
| Verka som | musikar | ||
Biografi
endreMooney starta å synge på high school og var medlem av ei acappella-vokalgruppe kalla Six Fifths.[1] Han vart kjend som bilethoggar i New York, før han flytta til Tyskland, der han vart ven med Irmin Schmidt ig Holger Czukay, som var i gang med å starte eit band. Mooney vart med som solovokalist. Bandet vart opphavleg kalla Inner Space, men Mooney kom opp med The Can, som seinare vart korta ned til berre Can.[1]
Dei spelte inn eit album, opphavleg kalla Prepared To Meet Thy Pnoom, men det var ingen plateselskap som ville gje det ut.[2] Can byrja på eit nytt album, som var debutplata deira, Monster Movie. Albumet gjorde det bra i det tyske undergrunnsmiljøet på den tida og kombinerte ein Velvet Underground-påverka rock med Mooney si blanding av paranoide skråling og James Brown-aktig vokal funk. Prepared To Meet Thy Pnoom kom ut i 1981 som samlealbumet Delay 1968, og forskjellige andre songar som Mooney spelte inn med bandet i denne periodne kom ut på Soundtracks og samlinga Unlimited Edition.
Mooney slutta i Can i 1970 etter råd frå psykiateren sin og reiste attende til USA[1][3] sidan ein meinte dette var bra for den mentale helsa hans.
Han vart med Can att i 1986 for å spele inn albumet Rite Time. Han har òg gjeve ut to album med San Francisco-bandet Tenth Planet. På det første albumet av desse spelte dei inn ein ny versjon av songen «Father Cannot Yell» frå Monster Movie.[1]
Diskografi
endreMalcolm Mooney er med på følgjande album:
med Can:
- Monster Movie (1969)
- Soundtracks (1970)
- Unlimited Edition, med alle songane frå det tidlegare samlealbumet Limited Edition (1976)
- Delay 1968 samleplate (1981)
- Rite Time (1989)
Med Tenth Planet:
- Malcolm Mooney and the Tenth Planet (1998)
- Hysterica (2006)
Med Andy Votel:
- All Ten Fingers (2002)
Kjelder
endre- Denne artikkelen bygger på «Malcolm Mooney» frå Wikipedia på engelsk, den 6. mars 2013.
- Wikipedia på engelsk oppgav desse kjeldene:
- ↑ 1,0 1,1 1,2 1,3 Allmusic
- ↑ Holger Czukay's Short History of the Can
- ↑ Holger Czukay's official site, arkivert frå originalen 21. september 2013, henta 6. mars 2013