Irmin Schmidt

	Irmin Schmidt
	; Irmin Schmidt (2022)
Fødd	29. mai 1937 (87 år)
Fødestad	Berlin
Opphav	Tyskland
Aktiv	1962–
Sjanger	krautrock, avant-garde-musikk
Instrument	tangentinstrument, klaviatur, piano
Verka som	komponist, pianist, universitetslærar, dirigent, filmmusikkomponist, låtskrivar

Irmin Schmidt (fødd 29. mai 1937 i Berlin) er ein tysk klaverspelar og komponist, mest kjend som ein av medlemmane som starta bandet Can.

Bakgrunn

Schmidt studerte musikk ved konservatoriet i Dortmund, ved Folkwang Hochschule i Essen, Mozarteum i Salzburg, og han studerte komposisjon med Karlheinz Stockhausen ved Rheinische Musikschule i Köln.

Han starta å arbeide som dirigent og framførte konsertar med Bochum Symfoni, Wien Symfoni og Dortmund Ensemble for Ny Musikk, som han starta i 1962. I løpet av denne tida fekk han fleire prisar som dirigent. Schmidt arbeidde òg som Kapellmeister ved Theater Aachen, som dosent for musikkteateret og chanson ved dramaskulen i Bochum, og som konsertpianist.

I 1968 starta Schmidt det eksperimentelle krautrockband Can med Holger Czukay, Michael Karoli og Jaki Liebezeit. Schmidt var klaverspelar i Can fram til gruppa vart oppløyst i 1979. Han deltok i begge gjenforeiningane til Can i 1986 og 1991.

Schmidt har skrive filmmusikk til meir enn 40 filmar og fjernsynsprogram, inkludert Knife in the Head (1978) og Palermo Shooting (2008). Han har òg spelt inn nokre soloalbum og skrive ein opera basert på Mervyn Peake sin Gormenghast.^[1] Kona hans Hildegard Schmidt har vore ansvarleg for styret av Can og plateselskapet deira, Spoon Records, sidan 1970-åra.

Schmidt bur i dag i det sørlege Frankrike.

Irmin Schmidt
Irmin Schmidt (2022)

Fødd	29. mai 1937 (87 år)
Fødestad	Berlin
Opphav	Tyskland
Aktiv	1962–
Sjanger	krautrock, avant-garde-musikk
Instrument	tangentinstrument, klaviatur, piano
Verka som	komponist, pianist, universitetslærar, dirigent, filmmusikkomponist, låtskrivar