Mamady Doumbouya
Mamady Doumbouya (fødd 4. mars 1980) er ein guineansk militær offiser som sidan 1. oktober 2021 har vore fungerande president i Guinea. Doumbouya stod i spissen for eit statskupp 5. september 2021 der landets president Alpha Condé blei avsett og arrestert. Han tilhøyrer spesialstyrkane i Guinea og er tidlegare fransk legionær. Etter statskuppet kunngjorde Doumbouya i statlege media at regjeringa var oppløyst. Den 1. oktober blei han tatt i eid som fungerande president.[1]
| Mamady Doumbouya | |||
 | |||
| Fødd | 4. mars 1980 (44 år) Kankan | ||
|---|---|---|---|
| Statsborgar av | Guinea | ||
| Yrke | militær, politikar | ||
| Utdanna ved | École de guerre | ||
| Mor | Hadja Mandioula Sylla | ||
| Far | Karifala Doumbouya | ||
| Ektefelle | Lauriane Darboux-Doumbouya | ||
| Barn | Lansana Doumbouya | ||
| Medlem | Framandlegionen | ||
| Alle verv |
| ||
Biografi
endreDoumbouya var korporal i den franske framandlegionen før han kom tilbake til Guinea og blei leiar for spesialstyrkane i landet, ei eliteavdeling som blei starta av dåverande president Condé. Etter kvart steig han i gradene og blei oberst i 2020.[2][3]
Statskuppet i 2021
endreDoumbouya var hovudpersonen bak statskuppet i september 2021 der den guineanske presidenten Alpha Condé blei avsett.[4] Han stod etter kuppet fram på statleg TV og kunngjorde at hans gruppe hadde sett til side regjeringa og grunnlova.[5] For å rettferdiggjere kuppet siterte han den tidlegare ghanesiske presidenten Jerry Rawlings som hadde uttalt at: «Om folket blir halde nede av sin elite, så er det dei militære si oppgåve å gje folket sin fridom.»[6]
Den 1. oktober 2021 blei Doumbouya tatt i eid som fungerande president i Mohammed V-palasset i Conakry.[7] Han la fram planar om å «atterreise staten» og gjennomføre «frie, pålitelege og gjennomsiktige» val. Han lova også å respektere nasjonale og internasjonale avtalar som landet hadde inngått.[8]
Familie
endreDoumbouya er gift med Lauriane Doumbouya som tenestegjer i det franske Gendarmerie nationale.[9] Paret har tre barn.
Kjelder
endre- ↑ «Guinea swears in coup leader Mamady Doumbouya as interim president». CNN. 1. oktober 2021.
- ↑ «Guinée : portrait du colonel Mamady Doumbouya, auteur du putsch du 5 septembre 2021». Africa 24. 5. september 2021.
- ↑ «Focus on Lt Col Mamady Doumbouya in Guinea 'coup'». The Independent (Uganda). 5. september 2021.
- ↑ «Soldiers say Guinea constitution, gov't dissolved in apparent coup». Yahoo! News. 5. september 2021.
- ↑ «Putschist say Guinea's president arrested, constitution and government dissolved». Shafaq. 5. september 2021.
- ↑ «Guinean coup leader Col. Doumbouya: Why we struck, quotes Rawlings - P.M. News». PM News (pmnewsnigeria.com). 5. september 2021.
- ↑ «Guinea coup leader Mamady Doumbouya sworn in as interim president». Al Jazeera. 1. oktober 2021.
- ↑ «Mamady Doumbouya: Guinea coup leader sworn in as president». BBC. 2. oktober 2021.
- ↑ Abdul Rashid Thomas (6. september 2021). «Is dissent an act of faith in a democracy? Lessons from the Guinean military coup». Sierra Leone Telegraph.
- Denne artikkelen bygger på «Mamady Doumbouya» frå Wikipedia på bokmål, den 9. oktober 2024.