Marcus Henrik Florentz
norsk politikar
Marcus Henrik Florentz (fødd 1775 i Risør, død 12. desember 1869 i Kviteseid) var ein norsk fut og stortingsrepresentant til omframstortinget i 1814. Han representerte Bratsbergs amt.
| Marcus Henrik Florentz | |||
| Fødd | 11. mai 1775 Risør kommune | ||
|---|---|---|---|
| Død | 12. desember 1869 (94 år) | ||
| Statsborgar av | Noreg | ||
| Yrke | politikar, fut | ||
| Alle verv |
| ||
Florentz tok juridisk embetseksamen i København i 1800. Han vart først fogdbetjent, seinare tilsett som kopist i rentekammeret og vart futfullmektig i 1807. Han var fut i Øvre Telemark 1811–1836 og budde på Roeid i Kviteseid. Han var medlem av øvre Telemarkens matrikulkommision i 1819 og forlikskommisær.
Florentz var gift to gonger, første gong med Adelaide Kloumann, dotter av justisråd Kloumann. Han gifta seg andre gong i 1813 med Anna Dorothea Rye, dotter av oberstløytnant Mathias Andreas Rye og syster til Johan Henrik Rye og den kjende offiseren Olaf Rye.
Kjelder
endre- Tallak Lindstøl: Stortinget og Statsraadet, 1814-1914. B. 1 D. 1 : Biografier A-K digital utgåve side 252
- Biografisk informasjon om Marcus Henrik Florentz NSD Norsk senter for forskningsdatas politikararkiv