Maren Mjelde
Maren Nævdal Mjelde (fødd 6. november 1989) er ein norsk fotballspelar frå Espeland i Bergen. Ho er lagkaptein på landslaget og spelar på Chelsea L.F.C..
Playing for Göteborg in 2014 | ||||||||||||||||
Personleg informasjon | ||||||||||||||||
---|---|---|---|---|---|---|---|---|---|---|---|---|---|---|---|---|
Fullt namn | Maren Nævdal Mjelde | |||||||||||||||
Fødselsdato | 6. november 1989 (34 år) | |||||||||||||||
Fødestad | Bergen | |||||||||||||||
Høgd | 1,65 m | |||||||||||||||
Posisjon | Midtstoppar | |||||||||||||||
Klubbinformasjon | ||||||||||||||||
Noverande lag | Chelsea | |||||||||||||||
Nummer | 18 | |||||||||||||||
Ungdomsklubbar | ||||||||||||||||
1995–2004 | Fri IL | |||||||||||||||
Seniorkarriere* | ||||||||||||||||
År | Lag | Kampar | (Mål) | |||||||||||||
2005–2012 | Arna-Bjørnar | |||||||||||||||
2013–2014 | Turbine Potsdam | 31 | (2) | |||||||||||||
2014 | Kopparbergs/Göteborg FC | 9 | (0) | |||||||||||||
2015–2016 | Avaldsnes IL | 44 | (9) | |||||||||||||
2016– | Chelsea | 46 | (10) | |||||||||||||
Landslag‡ | ||||||||||||||||
2007– | Noreg | 148 | (19) | |||||||||||||
Utmerkingar
| ||||||||||||||||
* Seniorklubbkampar og mål berre telt for nasjonal liga og oppdatert 2. mars 2020 ‡ Landslagsmål oppdatert 10. mars 2020 |
Ho hadde per 10. mars 2020 spelt 148 landskampar for Noreg og skåra 19 mål. Mjelde spelte EM-finalen 2013 mot Tyskland, der det vart norsk tap med 0-1. Erik Mjelde er hennar eldre bror.
Aktiv endre
Mjelde debuterte på Arna-Bjørnar i 2005 og spelte på laget til 2012. Frå 2013 var ho i halvtanna år aktiv i tyske Turbine Potsdam, før ho sommaren 2014 melde overgang til svenske Kopparberg. Der etter var ho Avaldsnes-spelar i sesongane 2015-16. Frå 2017 til -18 har Mjelde kontrakt med engelske Chelsea FC.
Landslagsdebuten fekk Mjelde 27. oktober 2007. Det neste året var ho kaptein på det norske laget som tok seg heilt til finalen i europameisterskapen for juniorar (J-19). Frå mars 2009 var ho tilbake på Noregs landslag og deltok både i Fotball-EM 2009 og VM 2011, oftast plassert på høgrebacken, men òg som midstoppar. Under EM i fotball 2013 i Sverige var Mjelde ein av dei beste norske spelarane i ein meisterskap som enda med finaletap 0-1 mot Tyskland. To år seinare utmerkte ho seg med eit frisparkmål i ein kamp mot Tyskland under Fotball-VM 2015, der Noreg seinare rauk ut allereie i åttedelsfinalane.
Sidan hausten 2015 har Mjelde vore kaptein for Noreg. Dei siste åra har ho på landslaget vekselvis vore midtstoppar og midtbanespelar.
Merittar endre
- EM-sølv: 2013
- EM-semifinalist: 2009
Kjelder endre
- Denne artikkelen bygger på «Maren Mjelde» frå Wikipedia på engelsk, den 16. juli 2017.