Marguerite Yourcenar
Marguerite Yourcenar, eigentleg Marguerite Antoinette Jeanne Marie Ghislaine Cleenewerck de Crayencour (8. juni 1903–17. desember 1987) var ein fransk forfattar. Ho var fødd i Belgia, men busette seg i USA. Ho vart den første kvinna som vart vald inn i L'Académie Française i 1980.
| Marguerite de Crayencour | |
 | |
| Pseudonym | Marguerite Yourcenar |
| Statsborgarskap | Frankrike, USA, Belgia |
| Fødd | 8. juni 1903 Brussel, Brussel |
| Død |
17. desember 1987 (84 år) |
| Yrke | Forfattar |
| Språk | fransk |
| Medlem av | Lebanese Academy of Fine Arts, American Academy of Arts and Letters, American Academy of Arts and Sciences, Académie royale de langue et de littérature françaises de Belgique, Académie française, Société des poètes français |
| Far | Michel de Crayencour |
| Mor | Fernande de Cartier de Marchienne |
| |
| Marguerite Yourcenar på Commons | |
Yourcenar skreiv romanar, noveller, dramatikk, essay, litteraturkritikk og sjølvbiografi, i tillegg til omsetjingar og gjendiktingar. Ho er best kjent for historiske romanar, som Mémoires d'Hadrien (1951; norsk Hadrians memoarer, 1953) om den romerske keisaren Hadrian og L'Œuvre au noir (1968; norsk Det svarte verk, 1969) med handling frå renessansen. Yourcenar var oppteken av gresk filosofi, og omsette gresk lyrikk. Ho tok også opp tema som religion, homoseksualitet og historia til sin eigen familie i trilogien Le Labyrinthe du monde.
Kjelder
endre- Winther, Truls Olav. (2009, 15. februar). Marguerite Yourcenar i Store norske leksikon.
Bakgrunnsstoff
endre- Digitaliserte bøker av Marguerite Yourcenar hjå Nasjonalbiblioteket
