Maria Epple (fødd 11. mars 1959) er ein tysk tidlegare skirennar frå Seeg i Bayern som representerte Vest-Tyskland. Ho vart verdsmeister i storslalåm i 1978. Irene Epple er storesystera hennar.

Maria Epple
Fødd 11. mars 1959
Seeg
Yrke alpinist

Epple debuterte i verdscupen i alpine greiner i 1975. Ho kom fyrste gong på pallen i verdscupen i eit storslalårenn i Val-d’Isère i desember 1977, ein månad seinare vart ho nummer to i slalåm i Maribor, eit renn vunne av Hanni Wenzel. Likevel var det overraskande at ho skulle vinne gullmedaljen i storslalåm under VM i alpine greiner 1978 i Garmisch-Partenkirchen, fem hundredels sekund føre sveitsiske Lise-Marie Morerod.

Epple vann sin fyrste verdscupsiger i Zwiesel 1981, i eit storslalåmrenn. I 1982-sesongen vann ho tre storslalåmtevlingar i verdscupen. Ho sikra seg sin femte verdscupsiger då i januar 1985 rende ned til siger i slalåm i Arosa. Gjennom perioden 1977-85 stod ho på pallen i 22 verdscuprenn (5-12-5), 16 i storslalåm og seks i slalåm. Ho la opp etter 1986-sesongen.

KjelderEndra