Marika Lejon
Marika Lejon (fødd 3. oktober 1984 i Stavanger) er ein norsk medievitar og artist.
| Marika Lejon | |||
 | |||
| Fødd | 3. oktober 1984 (40 år) | ||
|---|---|---|---|
| Fødestad | Stavanger kommune | ||
| Opphav | Noreg | ||
| Aktiv | 2004– | ||
| Instrument | vokal | ||
| Verka som | songar, låtskrivar | ||
Lejon er utdanna ved Universitetet i Oslo i medievitskap, der ho tok mastergrad hausten 2010. Ho er òg utdanna ved Norges idrettshøgskole, og i juni 2012 avslutta ho utdanning på NTNU i Gjøvik innan webproduksjon. Sidan 2007 har Lejon arbeidd som journalist og redaktør for fleire magasin og nettsider.[1][2][3]
Bakgrunn som artist
endreLejon byrja å komponere musikk som seksåring. Før ho byrja å opptre på TV, deltok ho i blant anna NM i rock 2000 (finale på Rockefeller i Oslo, der ho vart kåra som beste vokalist) og By:larm 2002 (yngste deltakar).[4]
Lejon gav ut sin fyrste singel, To Milan, i 2004. Ho deltok i Kjempesjansen hausten 2006 med den eigenkomponerte songen «Again» og sigøynarvisa «Nane Tsocha». Lejon deltok i Melodi Grand Prix 2007 med songen «Perfect Sin», som var skriven av svenske Adam Alvermark. Deretter deltok ho i Norske Talenter på TV2. Lejon platedebuterte i 2009 med musikkalbumet My Fire. I 2015 gav Lejon ut sitt andre album "Before Death", med meir preg av elektronika-pop og rock.
I 2011 deltok Lejon for andre gong i Melodi Grand Prix med den eigenkomponerte låten «Hungry for You (Gipsy Dance)». Ifølgje ho sjølv vart låten til då ho skreiv masteroppgåva, og lengta etter dans og latter.[5]
Lejon deltok i programmet Charterfeber på TV3 i 2011.
Prisar
endre11. juni 2018 mottok Lejon Dixi-prisen, utdelt av barne- og likestillingsminister Linda Hofstad Helleland.[6] Lejon mottok prisen på vegne av Kvinnefronten, der ho sit i styret. Ho er redaktør og prosjektleiar i prosjektet "Jeg er et mørketall".[7] Dette er ei plattform der overgrepsuteatte kan dele sine historiar anonymt.
Referansar
endre- ↑ «Velkommen til bodymag.no - for deg som trener tungt» (på norsk bokmål). Arkivert frå originalen 27. mars 2016. Henta 21. februar 2017.
- ↑ «Kjøp kosttilskudd og treningsklær hos Gymgrossisten» (på norsk bokmål). Henta 21. februar 2017.
- ↑ «Morketall.no — En kampanje for kvinner som har opplevd overgrep.» (på norsk bokmål). Henta 1. mars 2017.
- ↑ nrk.no – mgp
- ↑ - Jeg er skapt til å underholde, NRK.no.
- ↑ «Aftenposten». Henta 12. juni 2018.
- ↑ «morketall.no». Henta 12. juni 2018.
- Denne artikkelen bygger på «Marika Lejon» frå Wikipedia på bokmål, den 26. november 2021.