Martin Kellerman
Martin Kellerman (fødd 24. desember 1973) er ein svensk teikneserieskapar. Kellerman er fødd og oppvaksen i Växjö, men budde ei tid i Nord-Noreg før familien flytta til Upplands-Väsby då han var 13 år. Det var på denne tida han byrja å selje sine eigne teikneseriar. Den mest kjende serien hans er Rocky, om ein om lag 30 år gamal serieteiknade og hiphopelskande hund som bur i Stockholm.
| Martin Kellerman | |
 | |
| Statsborgarskap | Sverige |
| Fødd | 24. desember 1973 (50 år) Växjö |
| Yrke | teikneserieteiknar, sjølvbiograf, teikneserieskapar |
| Martin Kellerman på Commons | |
Rocky har vorte publisert i svenske aviser sidan 1998, og har også fått eigne albumutgjevingar og sitt eige teikneserieblad i Sverige. Serien har også vorte publisert i Norden elles, i tillegg til i Slovenia, Sveits, Spania og Italia. I USA har det vorte gjeve ut eit album.
Konseptet og figurane har også vorte nytta i eit skodespel som vart sett av til saman 40 000 i Stockholm. Kellerman skreiv både manus og hadde regien. Stykket vart fyrste gong sett opp i Noreg av Nordland Teater i Mo i Rana og vart i 2004 også sett opp i Oslo.
Norsk bibliografi
endre- 2005: Rocky: The Big Payback (første samlebok utgjeven i Noreg), ISBN 82-509-5410-6
- 2006: Rocky: Bok II
Prisar og utmerkingar
endre(utval)
- 2001 – Sproingprisen
- 2003 – Adamsonstatuetten
- 2009 – Svenska PENs Bernsprisen
- 2010 – Lidmanprisen
- 2010 – Stockholm Stads Bellmanpris
Kjelder
endre- Denne artikkelen byggjer på artikkelen «Martin Kellerman» henta frå Wikipedia på engelsk,
og artiklane «Martin Kellerman» og «Rocky» henta frå Wikipedia på bokmål 25. nobember 2006.