Opna hovudmenyen
Mary Had a Little Lamb
Singel av Wings
B-side «Little Woman Love»
Utgjeve 12. mai 1972
Innspelt March 1972
Sjanger Barnemusikk
Lengd 3:30
Selskap Apple
Låtskrivar(ar) Paul McCartney, Linda McCartney
Produsent Paul McCartney, Linda McCartney
Wings-kronologi
«Give Ireland Back to the Irish»
(1972)
Mary Had a Little Lamb «Hi, Hi, Hi»
(1972)


«Mary Had a Little Lamb» er Wings sin versjon av den tradisjonelle barnesongen.

BakgrunnEndra

Då songen kom ut meinte skribentar som Roy Carr og Tony Tyler i New Musical Express at songen vart spelt inn av McCartney som svar til at BBC bannlyste den førre singelen hans, den politiske «Give Ireland Back to the Irish»,[1] men McCartney har nekta for dette og sa det var eit oppriktig forsøk på å skrive ein song for barn.[2] Faktisk vart songen skriven før «Give Ireland Back to the Irish», sidan ein demo av songen kan høyrast under eit intervju spelt inn for radiostasjonen WRKO i desember 1971.[3]

Salslister og mottakingEndra

Songen vart slakta av kritikarane då han kom, men eit par meinte at det kunne vere ei ironisk innspeling.[4] Songen nådde niandeplassen i Storbritannia.[5] Mange radiostasjonar i USA valte i staden å spele B-sida, «Little Woman Love». Apple Records i USA endra til og med singelomslaget slik at namnet til begge sidene kom fram. Likevel nådde han berre 28. plassen i USA.[6]

Songen kom ut på singel 12. mai 1972 i Storbritannia,[7] utsett frå den planlagde datoen 5. mai.[8] Den amerikanske utgåva kom ut 29. mai.[8] Den 25. mai mima bandet til songen på BBC TV sitt Top of the Pops.[8] Over ei veke seinare, den 6. juni, mima bandet igjen til songen. Songen kom ut som bonusspor på den nymastra versjonen av Wild Life i 1993.

KjelderEndra

  1. Carr, Roy; Tyler, Tony. The Beatles: An Illustrated Record (1975) p. 100
  2. Garbarini, Vic (1980). The McCartney Interview [interview LP], Columbia Records.
  3. Luca Perasi, Paul McCartney: Recording Sessions (1969-2013), L.I.L.Y. Publishing, 2013, ISBN 978-88-909122-1-4, p.79.
  4. Dempsey, J.M. «McCartney at 60: a body of work celebrating home and hearth», Popular Music & Society, February 2004.
  5. «Official Charts: Paul McCartney». The Official UK Charts Company. Henta 18. mai 2018. 
  6. «Paul McCartney Charts and Awards». allmusic. Henta 18. mai 2018. 
  7. Castleman, Harry; Podrazik, Walter J. (1977). All Together Now – The First Complete Beatles Plateography 1961–1975 (Second utg.). New York: Ballantine Books. s. 113. ISBN 0-345-25680-8. 
  8. 8,0 8,1 8,2 Miles, Barry; Badman, Keith, red. (2001). The Beatles Diary After the Break-Up: 1970-2001 (reprint utg.). London: Music Sales Group. ISBN 9780711983076.