Mathilde

Matilde og Mathilde er norske former av eit opphavleg gammalhøgtysk namn, Mechthild, sett saman av macht, 'makt', og hildr, 'kamp'. Namnet blei latinisert som Mathilda og kjend på fransk, tysk og dansk som «Mathilde». Matilda er ei italiensk og spansk form av namnet.

Kortformer av namnet er Maud, Mette, Tilda, Tilde og Tille.

Mathilde har norsk namnedag den 14. mars.

I 2009 var det 3240 kvinner som heitte Mathilde og 732 som heitte Matilde. Bruken av begge namna var stigande. Mathilde var også eit utbreidd namn på slutten av 1800-talet, då opp mot 1,0 % av nyfødde jenter fekk namnet.

Namneberarar endre

Matilda av Skottland (ca. 1080–1118), engelsk dronning
Matilda (Maud) av England (1101–1167), første regjerande dronning av England
Matilde av Kanossa (d. 1115), italiensk grevinne
Dronning Caroline Mathilde (1751–1775), britisk-fødd dronning av Danmark
Mathilde Franziska Anneke (1817–1884), tysk-amerikansk aviskvinne og kvinnesaksforkjempar
Mathilde Marchesi (1821–1913), tysk songar
Matilda Joslyn Gage (1826–1898), amerikansk fritenkjar og kvinnesaksforkjempar
Mathilde Wesendonck (1828–1902), tysk forfattar
Mathilde Blind (1841–1896), tysk-britisk diktar
Matilda Ksjesinskaja (1872–1971), russisk ballerina
Mathilde Malling Hauschultz (1885–1929), dansk politikar
Matilde Camus (f. 1919), spansk forfattar
Mathilda May (f. 1965), fransk filmskodespelar
Mathilde Nortvedt (f. 1970), norsk kunstnar
Mathilde, hertuginne av Brabant (f. 1973), kronprinsesse av Belgia

Annan bruk endre

Matilde er namnet på ein roman av Oskar Braaten frå 1920.
Matilda er ei barnebok av Roald Dahl frå 1988. Boka blei gjort om til film i 1996.
253 Mathilde er namnet på ein asteroide
Mathilde er ein barnebokserie av Einar A. Lund

Kjelder endre

Søk etter norsk namnestatistikk for Mathilde hjå Statistisk Sentralbyrå
Denne artikkelen bygger på «Mathilde» frå Wikipedia på bokmål, den 14. mars 2009.