Max Klauß

Max Klauß (fødd 27. juli 1947) er ein tysk tidlegare friidrettsutøvar som tevla internasjonalt for Aust-Tyskland i øvingane tikamp og lengdehopp. Han vart europameister i lengdehopp i 1971.

Max Klauß
Statsborgarskap	Tyskland, Den tyske demokratiske republikken
Fødd	27. juli 1947 (76 år) Chemnitz
Idrett	friidrett
Tok del i	athletics at the 1972 Summer Olympics – men's long jump
Utmerkingar	Fedrelandets fortjenstorden i bronse

Aktiv

Klauß satsa på tikamp fram til 1968. 19 år gammal vart han nummer fire i tikampen under friidretts-EM i Budapest. Året etter oppnådde han 7 986 poeng, ny austtysk rekord. I OL-sesongen 1968 måtte han nøye seg med 7 889 poeng som best, og deltok ikkje i Sommar-OL 1968 i Mexico-byen.

Sommaren 1968 forbetra Klauß sin personlege rekord i lengdehopp til 8,07 m, og lengdehopp vart den øvinga han satsa på i åra frametter. I 1969 kom han sjetteplass i lengde under EM i Aten. Høgst overraskande gjekk Klauß bort og vann lengdetevlinga ved europameisterskapen 1971 i Helsingfors. Lengste hoppet målte 7,92 m, eit høgst ordinært vinnarresultat i ein internasjonal meisterskap, men nok til å vise den sovjetiske veteranen Igor Ter-Ovanesjan til sølvmedalje med hans 7,91 m.

I 1972 forbetra Klauß den personlege rekorden sin til 8,10 m og vart nummer seks i OL-tevlinga i lengde i München. To år seinare gjorde han sitt livs lengste hopp i Aust-Berlin i juni 1974, der han landa på 8,18 m, ein centimeter bak den austtyske rekorden til Klaus Beer. Han var dermed i fremste favorittsjiktet ved EM i Roma, men nådde ikkje opp mot sitt beste og enda som nummer sju.

Medaljar og plasseringar i internasjonale meisterskap

• EM 1966 i Budapest: Nr 4 i tikamp – 7446 p
• EM 1969 i Aten: Nr 6 i lengdehopp – 8,00 m
• EM 1971 i Helsingfors: Gullmedalje i lengdehopp – 7,92 m, fram Igor Ter-Ovanesjan (7,91 m)
• OL 1972 i München: Nr 6 i lengdehopp – 7,96 m
• EM 1974 i Roma: Nr 7 i lengdehopp – 7,73 m

Kjelder

• Denne artikkelen bygger på «Max Klauß» frå Wikipedia på tysk, den 4. oktober 2014.