Miruts Yifter
Miruts Yifter (15. mai 1944–23. desember 2016) var ein etiopisk friidrettsutøvar, fødd i Adigrat i provinsen Tigray, som vann to gullmedaljar ved Sommar-OL 1980 og elles sigra på 5 000 og 10 000 m i ei rekke store meiserstakp og stemne.
| Miruts Yifter | |
 Miruts Yifter (191), mellom Suleiman Nyambui og Kaarlo Maaninka, under 5000 m ved Sommar-OL 1980 | |
| Statsborgarskap | Etiopia |
| Fødd | 15. mai 1944 Adigrat |
| Død |
22. desember 2016 (72 år) |
| Yrke | langdistanseløpar |
| Høgd | 162 centimeter |
| Miruts Yifter på Commons | |
Aktiv
endreYifter var heilt ukjend for friidrettsverda då han under Sommar-OL 1972 i München tok bronsemedaljen på 10 000 meter. Saman med den belgiske sølvvinnaren Emiel Puttemans var han den einaste som heldt fylgje inn til mål då Lasse Virén spurta inn til verdsrekord og Yifter sette personleg rekord på 27.40,9. Året etter vann Yifter milløpet i Afrika-leikane i Lagos og vart nummer to på 5000 m.
Yifter deltok ikkje i Sommar-OL 1976, då mange afrikanske land boikotta leikane. Både i 1977 og 1979 vann han begge langdistansane 5 000 m og 10 000 m under verdscupen i friidrett, i høvesvis Düsseldorf og Montreal. I Düsseldorf sette han personleg rekord på 5 000 m med 13.13,8. Også under den fyrste afrikamesterskapen i friidrett i Dakar i 1979 triumferte han på begge langdistansane.
Under sommarleikane 1980 i Moskva vann Yifter 10 000 meter etter ein fantastisk sluttspurt. 300 meter frå mål krumma han nakken og sprang frå resten av tetfeltet og kom mål 1,6 sekund framom Kaarlo Maaninka frå Finland. Fem dagar seinare spurta han inn til siger på 5 000 meter, seks tidels sekund framom Suleiman Nyambui frå Tanzania.
Kjelder
endre- Denne artikkelen bygger på «Miruts Yifter» frå Wikipedia på engelsk, den 28. august 2016.
- Denne artikkelen bygger på «Miruts Yifter» frå Wikipedia på tysk, den 28. august 2016.