Mitiarjuk Nappaaluk
Mitiarjuk Attasie Nappaaluk CM (1931–30. april 2007)[1] var ein kanadisk inuittisk forfattar.[2] Ho er best kjend for Sanaaq, ein av dei fyrste romanane skrivne på inuktitut.[3] Boka blei skriven før, men gjeven ut etter Markoosie Patsauq si Harpoon of the Hunter.[2]
| Mitiarjuk Nappaaluk | |
| Statsborgarskap | Canada |
| Fødd | 1931 Kangiqsujuaq |
| Død |
30. april 2007 (76 år) |
| Yrke | skribent, lærar, bilethoggar, omsetjar |
Liv endre
Nappaaluk blei fødd i 1931 i nærleiken av Kangiqsujuaq nord i Quebec.[4] Ho byrja fyrst formell utdanning då ho var tjue.[5] Tidleg på 1950-talet byrja ho å skriva på Sanaaq då ein misjonær frå Oblatfedrane som var i området ba henne skriva nokre setningar på inuktitut så han kunne læra språket.[2] Romanen blei skriven med inuktitut-stavingsskrift. Han blei fyrst gjeven ut i 1984, men fekk raskt ei viktig kulturell stilling blant inuittar i heile det kanadiske Arktis.[2] Det blei gjeve ut ei fransk omsetjing av romanen i 2002 og ei engelsk omsetjing i 2014.[2]
Nappaaluk omsette også den katolske bøneboka til inuktitut, og skreiv fleire bøker om tradisjonelt språk og kultur for bruk i inuittskular. Ho var med på Inuktitut Language Commission i Nunavik og var ein konsulent ved Kativik School Board.[4] Ho var gift med Naalak Nappaaluk, som også var ein kjend forkjempar for inuittiske kulturtradisjonar.[6]
Prisar og utmerkingar endre
Ho blei utnemnd til Member of the Order of Canada i 2004.[7] Ho vann også ein National Aboriginal Achievement-pris, og mottok ein æresgrad frå McGill University.[7]
Kjelder endre
- ↑ «Nappaaluk, Mitiarjuk | Inuit Literatures ᐃᓄᐃᑦ ᐊᓪᓚᒍᓯᖏᑦ Littératures inuites». inuit.uqam.ca. Henta 29. november 2020.
- ↑ 2,0 2,1 2,2 2,3 2,4 Martin, Keavy (17. januar 2014). «Southern readers finally get a chance to read Mitiarjuk Nappaaluk, the accidental Inuit novelist». The Globe and Mail. Henta 18. oktober 2014.
- ↑ «Sanaaq: first novel in Inuktitut, now in English». CBC News Montreal. 18. januar 2014. Henta 1. november 2018.
- ↑ 4,0 4,1 "Nunavik elder and author to be remembered". CBC North, 3. mai 2007.
- ↑ «Mitarjuk Nappaaluk (Biographical details)». British Museum (på engelsk). 2017. Henta 1. november 2018.
- ↑ "Naalak Nappaaluk, promoter of Inuit culture, dead at 81". Nunatsiaq News, 15. juni 2010.
- ↑ 7,0 7,1 "Mitiarjuk Attasie Nappaaluk appointed to Order of Canada". Nunatsiaq News, 6. februar 2004.
- Denne artikkelen bygger på «Mitiarjuk Nappaaluk» frå Wikipedia på engelsk, den 8. november 2022.