Markoosie Patsauq
Markoosie Patsauq (24. mai 1941–8. mars 2020) var ein kanadisk inuittisk forfattar frå Inukjuak i Nunavik nord i Quebec.[1][2] Han er best kjend for Harpoon of the Hunter (ᐊᖑᓇᓱᑦᑎᐅᑉ ᓇᐅᒃᑯᑎᖓ), den fyrste romanen på inuktitut til å bli utgjeven. Romanen blei skriven etter, men gjeven ut før (1970), enn Mitiarjuk Nappaaluk sin Sanaaq.[3]
| Markoosie Patsauq | |
| Fødenamn | ᒫᑯᓯ ᐸᑦᓴᐅᖅ |
| Statsborgarskap | Canada |
| Fødd | 24. mai 1941 Inukjuak |
| Død |
8. mars 2020 (78 år) |
| Yrke | skribent, flygar |
| Språk | inuktitut |
Liv og virke
endrePatsauq blei fødd nær Inukjuak i Quebec.[4] Familien hans var ein av dei som blei tvangsflytta til Resolute i Nortdvestterritoria under High Arctic relocation-programmet i 1953.[5] Han gjekk seinare på high school i Yellowknife.[6]
Patsauq skreiv oppvekstromanen Harpoon of the Hunter i 1969 medan han verka som flygar (den fyrste inuittiske flygaren i Canada), medan han sat vêrfast.[7] Han brukte stoff han hadde høyrd og spurt seg fram til frå familiemedlemmar og eldre i lokalsamfunnet sitt.[7] Forteljinga kom ut som framhaldsroman i det inuittiske bladet Inuttituut, og blei gjeven ut i ei engelsk omsetjing utført av Patsauq i 1970.[6] Den engelske utgåva blei omsett til ukrainsk og gjeven ut i 1974 av forlaget Veselka. Ho blei også omsett til dansk og tysk.[7] Det kom ut ei fransk omsetjing i 2013, og omsetjingar til hindi og marathi i 2015.[8][9] Det er sidan gjort forsøk på å laga nye omsetjingar frå den opphavleg inuktitut-teksten.[7]
Patsauq skreiv også noveller og sakprosa, men ingen av dei andre verka hans blei så godt kjende som Harpoon of the Hunter.[4]
Han døydde i mars 2020 i heimen sin i Inukjuak.[4]
Kjelder
endre- ↑ «Patsauq, Markoosie | Inuit Literatures ᐃᓄᐃᑦ ᐊᓪᓚᒍᓯᖏᑦ Littératures inuites». inuit.uqam.ca. Henta 3. juni 2021.
- ↑ «Markoosie». Oxford Reference.
- ↑ Martin, Keavy (17 January 2014). «Southern readers finally get a chance to read Mitiarjuk Nappaaluk, the accidental Inuit novelist». The Globe and Mail. Henta 18 October 2014.
- ↑ 4,0 4,1 4,2 "Markoosie Patsauq, first Inuit novelist, lived the history of his people". CBC North, April 20, 2020.
- ↑ "Markoosie Patsauq – His Story". Iqqaumavara (dir. Marquise Lepage), 2013.
- ↑ 6,0 6,1 «MARKOOSIE, 1942-: LMS-0017» Arkivert 2017-10-15 ved Wayback Machine.. Collections Canada.
- ↑ 7,0 7,1 7,2 7,3 «Edmonton researcher studying versions of first Inuit novel». Global News (på engelsk). 13. november 2016. Henta August 13, 2019.
- ↑ «Harpoon of the hunter in Hindi | Inuit Literatures ᐃᓄᐃᑦ ᐊᓪᓚᒍᓯᖏᑦ Littératures inuites». inuit.uqam.ca. Henta 3. juni 2021.
- ↑ «Harpoon of the hunter in Marathi | Inuit Literatures ᐃᓄᐃᑦ ᐊᓪᓚᒍᓯᖏᑦ Littératures inuites». inuit.uqam.ca. Henta 3. juni 2021.
- Denne artikkelen bygger på «Markoosie Patsauq» frå Wikipedia på engelsk, den 8. november 2022.
Bakgrunnsstoff
endre- Exile in childhood: one man's memoir by Markoosie Patsauq in Nunatsiaq News
- Manuskriptet til Harpoon of the Hunter (Harpoon of the Hunter collection, R11775) ved Library and Archives Canada