Moderata samlingspartiet

	Moderata samlingspartiet
	;
Land	Sverige
Partileiar(ar)	Ulf Kristersson
Grunnlagt	17. oktober 1904
Partiavis	Medborgaren
Medlemstal	40 602 (2020)
Ideologi	liberalkonservatisme, marknadsliberalisme
Politisk posisjon	sentrum-høgre
Europeisk tilknyting	Det europeiske folkepartiet
Internasjonal tilknyting	International Democrat Union

Moderata samlingspartiet (m), mest kjent under namnet moderaterna, er eit svensk politisk parti, som vart grunnlagt i 1904 under namnet Allmänna valmansförbundet. Partiet står for liberalkonservatisme og ligg tradisjonelt til høgre i svensk politikk (frå 1938 til 1969 var også ordet «höger» i partinamnet). Det er det tredje største partiet i den svenske riksdagen (etter Sverigedemokraterna og Socialdemokraterna).^[3] Før dette var moderaterna i regjering frå 1991 til 1994 (sjå regjeringa Carl Bildt), og frå 2006 var partiet med i den borgarlege koalisjonen Allians för Sverige fram til 2014.

Moderaterna danna i 2022 ei regjering saman med Liberalerne og Kristdemokraterna, og Sverigedemokraterna som støtteparti.^[4]

Ideologi

Ideologien til moderaterna er offisielt liberalkonservatisme. Om det ideologiske tyngdepunktet ligg på liberalisme eller konservatisme, er omstridt. Somme meiner at partiet i Fredrik Reinfeldt si leiartid gjekk vekk frå nyliberalisme og nærma seg sosialkonservatisme eller sosialliberalisme. Moderaterna har likevel ikkje fått nytt partiprogram, dessutan finst det mange nyliberalistar i leiande posisjonar i partiet. Nyliberalismen dominerer framleis også i ungdomsforbundet MUF. Medlemsbladet til moderaterna heiter Medborgaren.

↑ «Moderaterna har en ny partiledare». Sveriges Radio. Henta 20. oktober 2017.
↑ «Grafik: Medlemsras för partierna – SD går mot strömmen».
↑ «Valpresentation», resultat.val.se, henta 14. oktober 2022
↑ NTB (14. oktober 2022), «Enighet om trepartiregjering i Sverige», www.abcnyheter.no (på norsk), henta 14. oktober 2022