Fredrik Reinfeldt

John Fredrik Reinfeldt (fødd 4. august 1965 i Haninge i Sverige) er ein svensk politikar og leiar for det liberal-konservative Moderata samlingspartiet sidan 2003. Etter at høgresida og Allians för Sverige fekk fleirtal i riksdagsvalet 2006, var han statsminister i Sverige frå 6. oktober 2006 til 3. oktober 2014, då Stefan Löfven tok over.

Fredrik Reinfeldt
Fødd	4. august 1965 (59 år) Österhaninge församling
Statsborgar av	Sverige
Parti	Moderata samlingspartiet
Yrke	politikar, samfunnsøkonom
Utdanna ved	Stockholms universitet Stockholm Business School
Mor	Birgitta Reinfeldt
Far	Bruno Reinfeldt
Ektefelle	Filippa Reinfeldt
Sambuar	Roberta Alenius
Barn	Gustav Reinfeldt, Erik Reinfeldt, Ebba Reinfeldt
Verv	Statsminister i Sverige 2006–2014
Føregangar	Göran Persson
Etterfylgjar	Stefan Löfven
Alle verv	Statsminister i Sverige (2006–2014) opposisjonsleder (2003–2006) president for Det europeiske råd (2009–2009) styreleiar (Moderata ungdomsförbundet, 1992–1995) styreleiar (Democrat Youth Community of Europe, 1995–1997) styreleiar (Det europeiske folkepartis ungdom, 1997–1999) partileiar (Moderata samlingspartiet, 2003–2015) medlem av Riksdagen (1991–1994) medlem av Riksdagen (1994–1996) medlem av Riksdagen (1996–1998) medlem av Riksdagen (1998–2002) medlem av Riksdagen (2002–2006) medlem av Riksdagen (2006–2006) medlem av Riksdagen (2010–2010) medlem av Riksdagen (2014–2014) Chair of the Committee on Justice (2001–2002) medlem i finanskomiteen (1994–1998) medlem i finanskomiteen (1998–2001) medlem av justiskomiteen (2001–2002)
Signatur

Karriere

Reinfeldt vart med i Moderata ungdomsförbundet i 1983, og vart leiar i 1992. Han hadde dette vervet fram til 1995. Han har vore riksdagsmedlem sidan 1991, som representant for valkrinsen på heimstaden. Etter nederlaget i 1994 for den moderaterna-leidde koalisjonsregjeringa, utvikla Reinfeldt ei kritisk haldning til partileiarskapen under Carl Bildt, noko som førte til at han vart utstøytt i partiet. Men etter eit leiarskifte i 1999 og eit dårleg resultat i riksdagsvalet 2002, fekk Reinfeldt gradvis meir innflytnad i Moderata samlingspartiet.

Statsminister

Reinfeldt vart vald til partileiar 25. oktober 2003, og etterfølgde Bo Lundgren. Under hans leiarskap har politikken i moderaterna gått meir i retning av sentrum, og det har kalla seg sjølv «Nya moderaterna». Etter riksdagsvalet 2006, som vart halde 17. september 2006, vart Reinfeldt vald til statsminister i den nye regjeringa den 5. oktober, og presenterte regjeringsmedlemmene dagen etter. Saman med dei tre andre partia i sentrum-høgre-alliansen, leidde Reinfeldt ei koalisjonsregjering som hadde støtte av eit lite fleirtal i Riksdagen. Som 41-åring var han den tredje yngste personen som har vorte statsminister i Sverige, etter Robert Themptander og Rickard Sandler.

Familie

Han er busett i Täby nord for Stockholm og gift med Filippa Reinfeldt, som er landstingsråd (m) i Stockholms län. Paret har tre ungar.

Bakgrunnsstoff

Commons har multimedium som gjeld: Fredrik Reinfeldt