Monica Westén

Monica Westén (fødd 15. mars 1966) er ein svensk tidlegare friidrettsutøvar frå Huddinge. Ho var ein allsidig utøvar som ved europameisterskapen 1990 vann bronsen på spesialøvinga 400 meter hekk.

Monica Westén
Statsborgarskap	Sverige
Fødd	15. mars 1966 (58 år) Huddinge
Idrett	friidrett, friidrett
Tok del i	Sommar-OL 1992, VM i friidrett 1991, EM i friidrett 1990, EM i friidrett 1994

Aktiv

Westén var i sitt livs form i 1990-sesongen. I juni sette ho svensk rekord i sjukamp med 6 085 poeng ved Götzis-stemnet, ein rekord som stod i over 10 år til dess Carolina Klüft sletta den. I august månad sette Westén personleg rekord den 13. på 400 meter hekk med 54,69 sekund og den 18. i høgdehopp med 1,89 meter. Før same sommarmånaden var over, vann ho bronsen på langhekken ved EM i Split.

Åra frå 1987 til 1997 vart Westén svensk meister åtte gongar i 400 meter hekk, fire gongar i sjukamp, tre gongar i høgdehopp, to gongar på 400 meter og ein gong i 100 m hekk, til saman 18 SM-gull i individuelle tevlingar. Personbeste i øvingane var 13,56 sekund på korthekken, 54,69 sekund på langhekken, 53,43 sekund på 400 m, 1,89 meter i høgdehopp og 6 085 poeng i sjukamp.

Medaljar og plasseringar i internasjonale meisterskap

• EM 1990 i Split: Bronsemedalje i 400 m hekk – 54,75
• VM 1991 i Tokyo: Utslått i semifinalane på 400 m hekk (55,51=nr 11)
• OL 1992 i Barcelona: Utslått i forsøket på 400 m hekk (56,68=nr 18)
• VM 1993 i Stuttgart: Utslått i semifinalane på 400 m hekk (55,88=nr 16)
• EM 1994 i Helsinki: Utslått i semifinalane på 400 m hekk (56,38=nr 11)

Kjelder

• Denne artikkelen bygger på «Monica Westén» frå Wikipedia på svensk, den 26. august 2020.

Bakgrunnsstoff

• «Monica Westén» (på engelsk). Olympedia. Henta 5. mars 2023.