Morfologisk modifikasjon
Morfologisk modifikasjon er ein morfologisk operasjon av ein av desse typane:
- Ein endrar på eitt eller fleire fonem i basen.
- Ein endrar eller legg til trykk, aksent eller tone i basen.
Eit døme på type 1 er tilhøvet mellom desse to bøyingsformene av det norske leksemet MANN:
- Bøyingsformer av MANN
- Ubunden, eintal: mann
- Ubunden, fleirtal: menn
Vi endrar vokalen i basen frå a til e for å uttrykkje ubunden og fleirtal.
Eit døme på type 2 er tilhøvet mellom desse to engelske leksema:
- To engelske leksem
- import /ˈɪmpɔːt/ (substantiv) 'import'
- import /ɪmˈpɔːt/ (verb) 'importere'
Vi flytter trykket til siste stavinga for å danne eit verb av eit substantiv.
Litteratur
endre- Bye, Patrik, Trond Trosterud og Øystein Vangsnes 2003: Språk og språkvitskap, ei innføring. Oslo: Samlaget.