Mount Victoria i Wellington
Mount Victoria, også kalla Mount Vic, er eit karakteristisk høgdedrag på 196 meter som ligg aust for bysentrum i Wellington på New Zealand. Det er kalla opp etter dronning Victoria av Storbritannia.[1] Sør for fjellet er det eit utspring, Mount Albert, og desse to er bundne saman med ein åskam. Mount Victoria er også namnet til den omliggjande bydelen i Wellington.
| Mount Victoria | |||
| fjell | |||
.jpg) | |||
| Land |  New Zealand
| ||
|---|---|---|---|
| Topp | Nordøya | ||
| Høgd | 196 m | ||
 Mount Victoria i Wellington 41°17′54″S 174°47′10″E / 41.2984°S 174.786°E | |||
| Wikimedia Commons: Mount Victoria | |||
Bydelen Mount Victoria er ei blanding av bustads- og forretningsområde og ligg på vestsida av åsryggen ovanfor den sørlege delen av det sentrale forretningsområdet i Wellington. Tilgrensande bydelar, som nesten berre består av bustadområde, er Oriental Bay, Roseneath og Hataitai.
Government House, bustaden til den newzealandske generalguvernøren, ligg i åssida til Mount Victoria, sør for Basin Reserve idrettsstadion, mellom Mount Victoria og Newtown. Bak denne ligg Wellington Hospital.
Ei gresk ortodoks kyrkje ligg på vestsida av Mount Victoria, og Basin Reserve idrettsstadion og det newzealandske krigsminnesmerket ligg ved foten av fjellet.
Ein vegtunnel, Mount Victoria Tunnel, går gjennom åsryggen og bind saman den sentrale bydelen med flyplassen Wellington International Airport, og med Evans Bay og halvøya Miramar Peninsula.
Kjelder
endre- ↑ «Mt Victoria Historical Society Mount Victoria is an inner-city suburb of Wellington, New Zealand, with a rich history and heritage.», mtvictoria.history.org.nz, henta 24. mai 2022