Mount Victoria i Auckland

Mount Victoria i Auckland (eller Takuranga på maori) er den høgaste vulkanen i bydelen North Shore i Auckland på New Zealand. Vulkanen hadde utbrot for om lag 20 000 år sidan, og lavastraumane frå utbrota dekkjer no mykje av forstaden Devonport si strandlinje. Ein viktig pa låg eingong oppe i skråningane, og restar av denne er enno synlege.

Mount Victoria
fjell
Land	New Zealand
By	Auckland
Mount Victoria i Auckland 36.8266°S 174.799°E / -36.8266; 174.799
Wikimedia Commons: Mount Victoria, Auckland

Åsen har fått namn etter dronning Victoria, og frå toppen er det vidt utsyn over Waitematahamna og den indre delen av Haurakigolfen. Gjennom åra har toppen og dei øvre skråningane til Mount Victoria gjeve rom for ein signalstasjon for skipsfarten, artilleristillingar og ulike militære betongbunkerar, somme av desse er frå 1870-åra. Ein av bunkerane er no tilhaldsstad for Devonport Folk Club, og den lokale tennisklubben held også til på Mount Victoria.

Referansar

• Ewen Cameron, Bruce Hayward and Graeme Murdoch (1997). A Field Guide to Auckland: Exploring the Region's Natural and Historic Heritage. Godwit Publishing Ltd, Auckland. ISBN 1-86962-014-3.
• Lloyd Homer, Phil Moore and Les Kermode (2000). Lava and Strata: A guide to the volcanoes and rock formations of Auckland. Landscape Publications Ltd, Wellington in association with the Institute of Geological and Nuclear Sciences, Lower Hutt. ISBN 0-908800-02-9.
• Ernest J. Searle, revised by Ronald D. Mayhill (1981). City of Volcanoes: A geology of Auckland. Longman Paul Ltd, Auckland. ISBN 0-582-71784-1.

Sjå òg

• Mount Victoria i Wellington
• Mount Victoria i New South Wales
• Mount Victoria i Alberta i Canada
• Mount Victoria i Papua Ny-Guinea

Bakgrunnsstoff

• Utsyn frå Mount Victoria Arkivert 2005-11-19 ved Wayback Machine.
• Program til Devonport Folk Club Arkivert 2005-03-22 ved Wayback Machine.