Mykale

	Mykale
	Samsun Daği
	fjell
	Fjellsida av Mycale bak Priene
Land	Tyrkia
Provins	provinsen Aydin
Fjellkjede	Aydinfjella
Høgd	1 237 moh.
Koordinatar	37°40′N 27°05′E / 37.667°N 27.083°E
	; Mykale; 37°40′00″N 27°05′00″E / 37.666666666667°N 27.083333333333°E
	Kart som viser Mykale. Kart som viser Mykale.
	Wikimedia Commons: Mount Mycale

Mykale (gammalgresk Μυκάλη), kalla Samsun Daği og Dilek Daği i det moderne Tyrkia, er eit fjell på vestkysten av Anatolia i Tyrkia, nord for munningen av Menderes og skild frå den greske øya Samos av det 1300 meter breie Samossundet. Fjellet dannar ein rygg som endar ved neset som i antikken vart kalla Trogilium.^[1] Det ligg fleire strender på nordsida av fjellet, medan sørsida hovudsakleg er ein skrent.

I den greske antikken var heile fjellryggen eit nes som var omgjeve av Egearhavet. Geopolitisk var han ein del av Jonia med den greske byen Priene plassert ved kysten av sørflanken til fjellet og Miletos ved kysten på motsett side i sør tvers over den djupe bukta som elva Menderes hadde skapt. Lengre nord låg byen Efesos.

Ruinane av dei første to nemnde joniske byane med hamneanlegga deira finst framleis, men er i dag fleire kilometer lengre inn i landet med utsikt over ei rik jordbruksflate og grasland som oppstod grunna avsetjingar frå elva, som heldt fram å danne det geografiske trekket med vide elvesvingar som denne elva har gjeve namn til, meander. Enden av den tidlegare bukta er i dag ein innsjø, Çamiçi Gölü (Bafasjøen).

Heile fjellryggen vart gjort om til ein nasjonalpark på 109,85 km, Dilek Yarimadisi Milli Parki («Dilekhalvøyas nasjonalpark») i 1966, og som er delvis tilgjengeleg for publikum. Resten er reservert av det tyrkiske militæret. Den isolerte plasseringa av parken har oppmuntra til å gå tilbake til den innfødde økologien, som er 60 prosent kratt og underskog. Dette området er eit verneområde for artar som tidlegare var meir utbreidd i regionen.

Slaget ved Mykale

For meir om dette emnet, sjå slaget ved Mykale.

I det rundt 13 km breie sundet mellom Samos og utløpet av fjellryggen Mykale, odden Trogylion, sigra grekarane under Leotykides (konge av Sparta) og Xanthippos (statsmann frå Aten) den persiske flåten i eit stort sjøslag i år 479 f.Kr.

Kjelder

Denne artikkelen bygger på «Mykale» frå Wikipedia på bokmål, den 9. august 2012.
- Wikipedia på bokmål oppgav desse kjeldene:

↑ Smith, William (1850). «Mycale». New Classical Dictionary of Biography, Mythology and Geography. London: John Murray. . Downloadable Google Books.

Bakgrunnsstoff

Lendering, Jona (1996-2008): «Mycale (Dilek Dagi)». Artikler på Livius om antikkens historie. Arkivert fra originalen Arkivert 2008-01-01 ved Wayback Machine..
Zeydanlı, Ugur; Hilary Welch; Geoff Welch (2001): «Aegean and Western Turkey sclerophyllous and mixed forests». Full rapport fra WWF.

[1] Smith, William (1850). «Mycale». New Classical Dictionary of Biography, Mythology and Geography. London: John Murray. . Downloadable Google Books.

[1]