Myntkabinettet

Myntkabinettet (eller Universitetets Myntkabinett) er ei myntsamling som er del av Kulturhistorisk museum og blir vist fram ved Historisk museum i Oslo.

Myntkabinettet
Stad	Oslo kommune
Skipa	30. mai 1817
Universitetes Myntkabinett 59°55′1″ N 10°44′9″ E

Historie

Myntkabinettet blei grunnlagd i 1817 gjennom innkjøpet av ei samling på over 6 000 antikke myntar, etter initiativ frå universitetsbibliotekaren Georg Sverdrup. Under andre styraren av samlinga, C.A. Holmboe, auka omfanget til over 43 000 gjenstandar.

Oldsaksamlingen og Myntkabinettet heldt opphavleg til i ulike universitetetsbygningar i Oslo, men flytta inn i Urbygningen då universitetetsbygga stod ferdige i 1852. I 1904 flytta dei vidare til nybygget til Historisk museum.

Frå 1999 blei Myntkabinettet ein del av Universitetets kulturhistoriske museer, som i 2004 endra namn til Kulturhistorisk museum.

Samling

Museet inneheld i dag over ein kvart million objekt frå heile verda; til dømes

• Ordens- og medaljesamlingane til Fridtjof Nansen og Roald Amundsen
• Frederik Schjöth si samling av kinesiske myntar
• 20 000 greske og romerske myntar
• 5 000 europeiske vikingtidsmyntar
• drygt 20 000 norske vikingtid- og mellomaldermyntar frå skattefunn og funn under norske kyrkjegolv.
• samlingar av norsk og europeisk mynt frå nyare tid
• pengesetlar, medaljar og ordenar frå heile verda

Bakgrunnsstoff

• khm.uio.no Arkivert 2007-08-21 ved Wayback Machine. om museet
• apollon.uio.no Arkivert 2007-06-04 ved Wayback Machine. Historisk museums historie