Namnet Siv

Siv, Siw eller Sif er eit nordisk kvinnenamn av norrønt opphav. Tydinga av namnet kan vera 'brur, kone' eller 'slektskap'. Det er særleg kjend frå den norrøne gudinna Siv, kona til Tor.

Siv har norsk og tidlegare svensk namnedag den 6. september; i dag er den svenske namnedagen den 8. mars.

Bruk

Namnet var særs mykje brukt i Noreg på 1960-talet, då bruken nådde 1,0 %.

I Sverige hadde namnet ei stordomstid på 1930- og 1940-talet, før bruken gjekk kraftig ned.

Politikaren Siv Jensen.

Foto: Kjetil Ree

Namneberarar

Siv Ericks (1918–2005), svensk skodespelar
Siv Matilda D. Thulin (1922–1966), svensk skodespelar
Siv Widerberg (f. 1931), svensk forfattar
Siw Gunnel Margareta Malmkvist (f. 1936), svensk skodespelar og songar
Siv Nordrum (f. 1958), norsk journalist og politikar
Siw Anita Andersen (f. 1966), norsk skodespelar
Siv Jensen (f. 1969), norsk stortingspolitikar og partileiar

Kjelder

«Siv – kvinnenavn» i Store norske leksikon, snl.no.
«sif» i J.Fritzners ordbok