Nell
Nell er ein amerikansk film frå 1994, regissert av Michael Apted for Twentieth Century Fox. Hovudrollene er spela av Jodie Foster, Liam Neeson og Natasha Richardson. Filmen er basert på skodespelet Idioglossia av forfattaren Mark Handley. Filmen produsert av Jodie Foster og Renee Missel, etter ein idé frå Foster. Filmen er ikkje tilrettelagd for norske kinoar.
| Regi | Michael Apted  | ||
|---|---|---|---|
| Produsent(ar) | Jodie Foster | ||
| Manus | William Nicholson | ||
| Basert på | Idioglossia | ||
| Medverkande | Jodie Foster, Liam Neeson, Natasha Marysiuk, Richard Libertini, Nick Searcy, Jeremy Davies, Robin Mullins, O'Neal Compton, Sean Bridgers, Joe Inscoe, Dana Stevens | ||
| Klipp | Jim Clark | ||
| Musikk | Mark Isham | ||
| Sjeffotograf | Dante Spinotti | ||
| Produksjonsselskap | PolyGram Filmed Entertainment | ||
| Distributør | 20th Century Studios, Netflix | ||
| Utgjevingsdato | 1994, 23. februar 1995 (Tyskland)[1] | ||
| Lengd | 112 minutt | ||
| Opphavsland | USA | ||
| Språk | engelsk | ||
| Sjanger | dramafilm | ||
Foster vann ein Screen Actors Guild-pris og publikumsprisen People's Choice for rolla si, og blei i tillegg nominert til Oscar for beste kvinnelege hovudrolle.[2][3] Ho blei også nominert til to Golden Globe-prisar for både rolleskildringa og produsentarbeidet.[4] Isham blei nominert til ein Golden Globe-pris for musikken sin.
Handling
endreEi jente, Nell (Foster), har vakse opp einsam langt ute i skogen saman med mor si, som leid av at halve andletet hennar var lamma. Soleis har ikkje Nell lært å snakke «reint», men har utvikla eit eige språk, omtala som «nellisk». Når mora døyr, blir dei to psykologane Jerry og Paula (Neeson og Richardson), sende opp for å greie ut om Nell er skikka for eit sjølvstendig liv. Dei lyt samstundes freiste å tolke språket hennar, og finn ut at ho i røynda er skikka til å greie seg sjølv, sit inne med stor evne til omsut for andre, og mykje visdom. Dei to psykologane blir glade i Nell, og i kvarandre, men lyt sidan overtyde rettsvesenet i California om at Nell er frisk, og ikkje lid av nokre psykiske syndrom. Sistpå greier Nell å ta ordet sjølv, og talar si eiga sak, slik at ho får løyve til å bu på plassen sin i skogen. Det lokale samfunnet sluttar opp om ho, og Jerry og Paula vernar om ho saman med venene sine.
Initiativet til filmen kom frå Jodie Foster, og skodespelarparet Liam Neeson og Natasha Richardson vart òg gifte etter at filmen var ferdigstilt.
Kjelder
endre- ↑ http://www.zelluloid.de/filme/index.php3?id=19; vitjingsdato: 8. mars 2018.
- ↑ «Priser til Nell». People's Choice Awards. Henta 23. august 2015.
- ↑ «1995: Nominees & Winners». People's Choice Awards. Henta 23. august 2015.
- ↑ «Jodie Foster». Hollywood Foreign Press Association. Henta 23. august 2015.
Denne artikkelen treng fleire referansar for verifikasjon. |