Nesflaten

Nesflaten er ei bygd i Suldal kommune i Rogaland. Lokalt vert staden kalla berre Nes. Nesflaten ligg på nordsida av Suldalsvatnet, og Riksveg 13 går på utsida bygda. Frå Nesflaten er det ca 50 km til kommunesenteret Sand i Suldal og 30 km til Røldal i Ullensvang herad. Om lag 80 husstandar soknar til Nesflaten.

Nesflaten
stad
Land	Noreg
Fylke	Rogaland
Kommune	Suldal
Postnummer	4244 NESFLATEN
Preposisjon	på Nesflaten
Nesflaten 59°37′0″ N 6°48′0″ E

Nesflaten ca. 1898

På Nesflaten ligg Nesflaten skule som er ein kombinert barne- og ungdomsskule. På skulen har Suldal bibliotek ein filial. Like ved skulen ligg Nesflaten barnehage.

Nesflaten hadde ein oppsvingsperiode under kraftutbygginga av Røldal-Suldal på 1960-talet, ein kan sjå resultatet av det ved nokre av dei særeigne husa som blei bygd på Nes i den perioden. Arkitekt Geir Grung teikna byggjefelt og bygg for kraftanlegget i særmerkt stil. I dag er den tidlegare messa og personalhotellet omgjort til Energihotellet.

Bakgrunnsstoff

• Eldre fotografi frå Nesflaten på nettstaden til Nasjonalbiblioteket
  Denne geografiartikkelen som har med Rogaland å gjere, er ei spire. Du kan hjelpe Nynorsk Wikipedia gjennom å utvide han.