New Forest-ponni

New Forest-ponnien er ein britisk ponnirase som opphavleg kjem frå New Forest i England.

New Forest-ponni som drikk

Raseskildring

Rasen kan ha ei mankehøgd på opptil 148 cm. Hovudet skal etter rasestandarden vere lite og ponniaktig. Skuldrene skal vere skrå og bringa djup.

Historie

Heilt tilbake på 1000-talet fekk folk beiterett i New Forest, som var eit kongeleg jaktområde. Sidan den tid har det levd ponniar i området. Opp gjennom tidene har det vorte kryssa inn mellom anna arabarhest, engelsk fullblodshest, welsh-ponni og hackneyhest. I seinare tid har det også vorte kryssa inn andre britiske ponnirasar.

Førekomst

På dei britiske øyene er New Forest-ponnien ein av dei mest talrike ponnirasene. Til Noreg kom ponnien på 1970-talet med importar frå England og Danmark.

Bruk

New Forest-ponnien er ein mykje brukt konkurranseponni. Han vert ofte ridd av barn og ungdom, men kan også nyttast av lette vaksne.

Bakgrunnsstoff

• Norsk Ponniavlsforening om New Forest-ponnien
• New Forest Pony Breeding and Cattle Society (eng)
  Denne artikkelen er ei spire. Du kan hjelpe Nynorsk Wikipedia gjennom å utvide han.