Nidwalden
Nidwalden er ein kanton i det sentrale Sveits. Kantonen har eit areal på 276,1 km2, og hadde 43 000 innbyggarar i 2018. Stans er hovudstad i kantonen.
| Nidwalden | |||
| Nidwald, Nidvaldo, Sutsilvania | |||
| kanton | |||
|
|||
| Forkorting: NW | |||
| Land |  Sveits
| ||
|---|---|---|---|
| Del av | Sentral-Sveits | ||
| Hovudstad | Stans | ||
| Høgaste punkt | Rotstöckli | ||
| • høgd | 2 901 moh. | ||
| Areal | 275,85 km² | ||
| Folketal | 43 223 (31. desember 2018)[1] | ||
| Kanton sidan | 1291 | ||
 Nidwalden 46°57′N 8°24′E / 46.95°N 8.4°E | |||
 Kart som viser Nidwalden.
| |||
| Wikimedia Commons: Canton of Nidwalden | |||
Geografi
endre
Nidwalden ligg om lag midt i Sveits, sør for Vierwaldstättersjøen. Nidwalden er, saman med Obdwalden, dei einaste kantonane som ikkje har grense til eit anna land. Kantonen grensar mot kantonane Luzern, Obwalden, Uri og Bern. Høgste fjellet i kantonen er 2 901 moh høge Rotstöckli, fjellet ligg i utkanten av Uri-Alpane. Størstedelen av kantonen høyrer til dei sentralsveitsiske foralpane. Lågastliggande punktet er Vierwaldstättersjøen på 434 meter over havnivå.
Demografi og språk
endreGanske nøyaktig 10% av dei fastbuande har utanlandsk statsborgarskap. Majoriteten i Nidwalden, 92,5%, talar tysk. Men det er klare dialektskilnader innom kantonen. Ein liten minoritet, 1,4%, har italiensk morsmål, medan 1,2% snakkar serbokroatisk.
Religion
endre75,6% av innbyggarane var i 2000 romersk-katolske, medan 11,9% sokna til den reformerte kyrkja i Sveits (Schweizer Reformierte Kirchen).
Kommunar
endreNidwalden består av elleve kommunar. Det er Beckenried, Buochs, Dallenwil, Emmetten, Ennetbürgen, Ennetmoos, Hergiswil, Oberdorf, Stans, Stansstad, Wolfenschiessen.
Historie
endreSaman med Obwalden utgjer Nidwalden Unterwalden, som var ein av dei tre urkantonane som i 1291 danna det første sveitsiske eidsforbundet. Fram til 1999 var Nidwalden ein halvkanton, talde berre ei halv røyst under avrøystingar i det sveitsiske stenderrådet. Etter endringar i den sveitsiske grunnlova, har Nidwalden ei røyst i stenderrådet, dei fleste andre kantonane har to røyster.
Kjelder
endre- ↑ 1,0 1,1 1,2 1,3 «Bilanz der ständigen Wohnbevölkerung nach Kanton, definitive Jahresergebnisse, 2018». statistisk byrå. Henta 28. august 2019.
- Denne artikkelen bygger på «Kanton Nidwalden» frå Wikipedia på tysk, den 6. august 2011.
