Niels Schjoldager
Niels Raanes Schjoldager (27. november 1782–22. mars 1845) var ein norsk embetsmann frå Trondheim som var stortingsmann frå Finnmarken 1824–1826.
| Niels Schjoldager | |||
| Fødd | 27. november 1782 | ||
|---|---|---|---|
| Død | 22. mars 1845 (62 år) | ||
| Statsborgar av | Noreg | ||
| Yrke | politikar | ||
| Alle verv |
| ||
Schjoldager var son til ein konsumpsjonsinspektør i Trondheim. Etter han var elev på Trondheim katedralskole, var han i 5 år informator hos futen Bull. Rettleia av futen nytta han tida til å studere dansk og norsk lov, tok dansk-juridisk eksamen i 1811.
Hausten 1814 gifta Schjoldagen seg med kjøpmannsdottera Inger M Wingaard frå Molde. Etter eitt år som fut i Senja, vart han i september 1815 utnemnd til fut og sorenskrivar i Vestfinmarken. I 1824 representerte han Finnmarkens amt på stortinget. Her var han sekretær i Odelstinget og i Tollkomiteen, samt medlem i komiteen om Finnmarkens opkomst (utvikling) og innløysinga av riksbanksetlane. Hausten 1824 fekk han stillinga som sorenskrivar i Nordfjord. Han var busett i Davik, der han 62 år gammal døydde frå kone og sju born.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914