Niillas Holmberg
Niillas Holmberg (fødd 2. juli 1990 i Utsjok) er ein finsk samisk forfattar, skodespelar, musikar og tv-programleiar.[1]
| Niillas Holmberg | |
| Statsborgarskap | Finland |
| Fødd | 2. juli 1990 (34 år) Utsjoki |
| Yrke | skodespelar, skribent, lyrikar, songar |
| Språk | nordsamisk |
| Ektefelle | Maja Kristine Jåma |
Niillas Holmberg har gjeve ut to diktsamlingar på samisk og ei på finsk, og to musikkalbum i lag med den finske musikaren Roope Mäenpää.[2] Han har spelt hovudrolla i stykket Allaq på Beaivváš Sámi Našunálateáhter[3] og vore programleiar i det samiske barneprogrammet Unna Junná frå 2009.
Han var den samiske kandidaten til Nordisk råds litteraturpris 2015 med diktsamlinga amas amas amasmuvvat (2014).[4] Denne diktsamlinga vann òg Samerådets litteraturpris i 2014. Diktsamlinga er omsett til norsk av Rawdna Carita Eira med tittelen Så den fremmede ikke blir mer fremmed (2015).
Faren Veikko Holmberg er òg forfattar, og begge var nominerte til Nordisk råds prisar i 2015.[5]
Referansar
endre- ↑ Samisk multikunstner; Morgenbladet, 31. juli 2015
- ↑ tuuparecords.fi
- ↑ forfattersentrum.no
- ↑ «norden.org». Arkivert frå originalen 26. februar 2015. Henta 27. oktober 2015.
- ↑ Far og sønn nominert til Nordisk råds priser; nrk.no, 26.10.2015
- Denne artikkelen bygger på «Niillas Holmberg» frå Wikipedia på bokmål, den 17. desember 2019.