Nikolaikyrkja i Oslo

	Nikolaikyrkja i Oslo
; Nikolaikyrkja; 59°54′15″N 10°45′53″E / 59.90416944°N 10.76460278°E

59°54′15.01″N 10°45′52.57″E / 59.9041694°N 10.7646028°E / 59.9041694; 10.7646028

Nikolaikyrkja var ei kyrkje i Oslo i mellomalderen. Kyrkja låg i Gamlebyen, like vest for Clemenskyrkja og nordaust for kongsgarden, om lag der Follobanen går i dag.

Kyrkja var vigd til Nikolas av Myra. Ho er omtala i eit brev fra 1297 der det går fram at det området ein no kallar Bekkelaget, tilhøyrde Nikolaikyrkja sokn.^[1] Få detaljar er kjende om utsjånaden til kyrkja, til dømes om ho hadde tårn. Ein trur at ho var lita.

Kyrkja skal ha lege i ruinar mot slutten av 1500-talet. Ved arkeologiske utgravingar i 1877 leia av Peter Andreas Blix vart det funne murrestar frå ei steinkyrkje og graver. Ein trur at dette dreidde seg om Nikolaikyrkja. I dag er det ingen synlege restar på staden,^[2] men under utgravinga av Follobanen fann ein skjelett frå menneske som truleg var spedalske.^[3]

Kjelder

Schia, Erik (1995). Oslo innerst i Viken: liv og virke i middelalderbyen (2 utg.). Oslo: Aschehoug. s. 37ff. ISBN 8203221149.
Kirkebøe, M.C. (2007). Knut Arve Tvedt og Øyvind Reisegg, red. Oslos kirker i gammel og ny tid (2. utg.). Oslo: Kunnskapsforlaget. s. 12. ISBN 978-82-573-1946-5.
Oslo byleksikon
Bull, Edvard (1922). Oslos historie. Oslo: Kunnskapsforlaget. s. 41–47.

Fotnotar

↑ Schia (1995), s. 38. Schia tar rett nok atterhald når det gjeld autentisiteten til brevet.
↑ Eit bilete i Bull si bok gjev seg ut for å syne Nikolaikyrkja, men motivet er faktisk Clemenskyrkja.
↑ NIKUs arkeologiblogg: Episode 1 Arkivert 2016-10-03 ved Wayback Machine. og Episode 2 Arkivert 2016-10-03 ved Wayback Machine. om analysar av skjelett.

Bakgrunnsstoff

Jan Brendalsmo: Kildegjennomgang: Middelalderske kirkesteder i Oslo (Riksantikvaren, 2015), s. 15–16
Nikolaikyrkja i Oslo i kulturminnesok.no, nettstaden til Riksantikvaren
Lokalhistoriewiki – Nikolaikirken (Oslo)
Kart over Oslo i mellomalderen i Oslo byleksikon (4.utg.)

[Schia-1] Schia (1995), s. 38. Schia tar rett nok atterhald når det gjeld autentisiteten til brevet.

[Bull-bilete-2] Eit bilete i Bull si bok gjev seg ut for å syne Nikolaikyrkja, men motivet er faktisk Clemenskyrkja.

[NIKU_Nikolai-3] NIKUs arkeologiblogg: Episode 1 Arkivert 2016-10-03 ved Wayback Machine. og Episode 2 Arkivert 2016-10-03 ved Wayback Machine. om analysar av skjelett.

[1]

[2]

[3]