Nikolaj Guljajev

Nikolaj Aleksejevitsj Guljajev (fødd 1. januar 1966) er ein russisk tidlegare skeiseløpar frå Moskva som representerte Sovjetunionen. Han vart i 1987 både europameister og verdsmeister i firkamp, året etter vart han olympisk meister på 1000 meter.

Nikolaj Guljajev
Statsborgarskap	Sovjetunionen, Russland
Fødd	1. januar 1966 (57 år) Vologda
Idrett	lengdeløp på skeiser
Tok del i	Vinter-OL 1992, Vinter-OL 1988, Hurtigløp på skøyter under Vinter-OL 1988 – 1000 meter herrer
Utmerkingar	Oscarstatuetten, «Arbeidets helt«-medaljen, Fortjent trener i Russland, Idrettens mester i Sovjetunionen

Guljajev kom på femteplassen då EM 1986 vart avvikla på Bislett stadion i Oslo. Vinteren 1987 vann han både EM i Trondheim og verdsmeisterskapen i Heerenveen. Den 15. februar tok han heim VM-tittelen etter fyrst å ha sett verdsrekord med 1.52,70 på 1500 m og deretter verdsrekord i firkampen med 159,356 tidspoeng.

I januar 1988 vart Guljajev hekta for å ha forsøkt smugla 700 tablettar av eit anabolt steroid, og fekk ikkje høve til å delta i EM og VM. Under Vinter-OL 1988 i Calgary sikra han seg derimot sigeren på 1000 meter med tida 1.13,03, høvesvis åtte og seksten hundredels sekund framom Uwe-Jens Mey og Igor Zjelesovskij. På 1500-meteren enda han på sjuandeplassen.

Etter Calgary-OL makta ikkje Guljajev å hevde seg i internasjonale firkamp-meisterskap. Han satsa meir på sprintdistansane, der ein sjuandeplass i sprint-VM 1992 var han beste plassering før han la opp same året.

Kjelder

• Denne artikkelen bygger på «Nikolaj Goeljajev» frå Wikipedia på nederlandsk, den 16. november 2016.