Nikolaj Krjukov

Nikolaj Vjatsjeslavovitsj Krjukov (fødd 11. november 1978) er ein russisk tidlegare turnar frå Voronezj. Han vart verdsmeister 1999 i mangekamp og vann olympisk gullmedalje 1996 i lagtevlinga for Russland.

Nikolaj Krjukov
Statsborgarskap	Russland
Fødd	11. november 1978 (45 år) Voronezj
Idrett	turn
Tok del i	Sommar-OL 2008, Sommar-OL 2000, Sommar-OL 1996
Utmerkingar	Fedrelandets fortjenstordens medalje av 1. klasse, Fedrelandets fortjenstordens medalje av 2. klasse

Karriere

Frå 1996 til 2008 deltok Krjukov i ei rad olympiske sommarleikar og verds- og europameisterskap i turn. Han opna medaljesankinga då Russlands mannskap vann lagtevlinga ved Sommar-OL 1996 i Atlanta. Under Turn-VM 1997 tok han sølv i hopp og bronse i lagtevlinga. To år seinare sigra han i mangekampen ved Verdsmeisterskapen i turn 1999 i Tianjin, der han elles fekk ein sølvmedalje i lagtevlinga og bronsemedaljen på bøylehesten.

I Sydney-OL 2000 enda Russland og Krjukov på bronseplass i lagtevlinga. Han var så med på å vinne mix-lagtevlinga i EM 2001 i Riesa, året etter vart det sølv i mannskapstevlinga ved EM 2002 i Pátra. Sidan sikra han seg ein ny VM-bronse i bøylehest ved Turn-VM 2003. Åra 2005 til 2008 sanka han årleg seg ein sølv- eller ein bronsemedalje i anten europameisterskap eller verdsmeisterskap. Under EM 2008 var han ein av fem russiske turnar som gjekk til topps i lagtevlinga.

Kjelder

• Denne artikkelen bygger på «Nikolai Kryukov (gymnast)» frå Wikipedia på engelsk, den 19. mai 2023.

Bakgrunnsstoff

Commons har multimedium som gjeld: Nikolaj Krjukov

• Nikolaj Krjukov i olympedia.org