Nils Hansen
Nils Christian Ihlen Hansen (4. februar 1825–4. juli 1885) var ein norsk postmeister og stortingsmann frå Drammen.
| Nils Hansen | |
| Statsborgarskap | Noreg |
| Fødd | 4. februar 1825 Drammen kommune |
| Død |
4. juli 1885 (60 år) |
| Yrke | politikar, postmester |
| Språk | norsk |
| Politisk parti | Høgre |
Hansen var son til ein handelsmann. 16 år gammal fekk han seg arbeid som betjent ved postkontoret i heimbyen, frå 1848 hadde han same stilling ved Christiania postkontor. Han var postmeister i Holmestrand frå 1860. Hansen var medlem av bystyret i Holmestrand, ordførar 1867-68, 1870-75 og 1877.
Hansen representerte Holmestrand på Stortinget frå 1868 til 1885. Han var 1868-69 medlem av gasje- og pensjonskomiteen og 1871-85 av vegkomiteen. Tida 1880-85 var han også medlem av Lagtinget. 1885-sesjonen var han med berre ei kort tid, grunna sjukdom. Same sommaren døydde han i Kristiania.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Nils Hansen NSD Norsk senter for forskningsdatas politikararkiv