Nils Isaksson Kulstad
norsk politikar
Nils Isaksson Kulstad (1798–25. desember 1875) var ein norsk gardbrukar, fiskar, lensmann og stortingsmann frå Vefsn i Nordland. Han var farfar til Nils M. Kulstad.
| Nils Isaksson Kulstad | |||
| Fødd | 1798 Vefsn kommune | ||
|---|---|---|---|
| Død | 25. desember 1875 (77 år) | ||
| Statsborgar av | Noreg | ||
| Yrke | politikar, bonde | ||
| Alle verv |
| ||
Faren var leiglending på garden Kulstad. Han tok over bygslet av garden etter far sin, og dreiv denne. I 1863 kjøpte han garden og dreiv han til ein son tok over. Han dreiv også fiske og var 1841-57 lensmann i Vefsn. Elles var han medlem av heradsstyret i mange år og av forlikskommisjonen.
Kulstad var 3. representant frå Nordlands amt på Stortinget både i 1839 og i 1842. I 1839 medlem av næringskomite nr 1, 1842 av justiskomiteen.
Han døydde på garden sin, Jomfruremma i Vefsn, i 1875.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914