Nils Nilssen Dahl
Nils Nilssen Dahl (18. juli 1806–21. juli 1854) var ein norsk prest og stortingsmann.
| Nils Nilssen Dahl | |||
| Fødd | 18. juli 1806 Vestnes kommune | ||
|---|---|---|---|
| Død | 21. juli 1854 (48 år) | ||
| Statsborgar av | Noreg | ||
| Yrke | politikar, prest | ||
| Utdanna ved | Universitetet i Oslo | ||
| Barn | Walter Scott Dahl, Konrad Dahl, Ulrikke Dahl, Nikoline Harbitz | ||
| Alle verv |
| ||
Dahl var fødd på garden Øvstedal i Tresfjord (i dagens Vestnes kommune) i Romsdal, son av ein gardbrukar. Han vart student 1828, ferdig utdanna cand. theol. frå universitetet i Kristiania (Oslo) to år seinare. År 1831 oppheldt han seg i Frankrike, året etter var han pers. kapellan i Eivindvik. Perioden 1833-38 verka han i ledige embete i Bergens stift.
1838 vart Dahl pers. kapellan i Melhus. Attåt kapellanstillinga var han forlikskommissær og sparebankdirektør. Fyrst i 1851 fekk han fast embete som sokneprest, i Eid i Nordfjord. Også i Eid var han direktør i sparebanken. Etter tre år tok Dahl avskjed, og døydde fire veker seinare.
Dahl var stortingsrepresentant for Sør-Trøndelag på alle tingsamlingane 1845-51. 1848 var han president i Odelstinget og formann i adressekomiteen. I 1851 var han visepresident i Odelstinget, og formann i tre komitear. Dei tre komiteane var høvesvis konstitusjons-, trykkings-, og arbeidarkomiteen. På stortinget høyrde han til den liberale fløya. Dahl vart rekna mellom dei beste talarane i stortinget.
Han var far til Walter Scott Dahl.
Kjelder
endre- Lindstøl, Tallak: Stortinget og Statsraadet 1814-1914, Kristiania 1914