Notto Jørgensen Tvedt
Notto Jørgensen Tvedt (29. oktober 1794–28. mars 1839) var ein norsk lærar, kyrkjesongar, gardbrukar og stortingsmann frå Evje i Aust-Agder.
| Notto Jørgensen Tvedt | |
| Statsborgarskap | Noreg |
| Fødd | 29. oktober 1794 Evje og Hornnes kommune |
| Død |
28. mars 1839 (44 år) |
| Yrke | bonde, lærar, politikar |
| Språk | norsk |
Tveit var son til ein gardbrukar og kyrkjesongar frå Evje. Han var sjølv skulehaldar frå 1812, og vart i 1820 tilsett som kyrkjesongar i Evje og Hornnes og Vegusdal. Frå 1817 var han aktiv som hjelpevaksinatør. Kring 1820 slo han seg ned som gardbrukar på Åneland i Evje. Tveit var presten sin medhjelpar frå 1825 til han døydde.
Tveit var medlem av forlikskommisjonen frå 1833, og frå 1837 av det fyrste heradsstyret i Evje, der han vart vald til ordførar. I 1836 var 1. representant frå Nedenes og Robygdelagets amt på Stortinget, der han var medlem av kyrkjekomiteen. Sameleis på omframstortinget 1836-37.
Tveit døydde på garden sin i Evje i 1839.
Kjelder
endre- Lindstøl, Tallak (1914). «Tvedt, Notto Jørgensen». Stortinget og statsraadet: 1814-1914. B. 1 D. 2 : Biografier L-Ø : samt tillæg. Kristiania: Steen'ske bogtrykkeri. s. 903-904.
- Biografisk informasjon om Notto Jørgensen Tvedt NSD Norsk senter for forskningsdatas politikararkiv