Oberstdorf

Oberstdorf er ein kommune (tysk:Markt) i Oberallgäu i Bayern i Tyskland. Kommunen ligg i dei bayerske Alpane og grensar i sør til Austerrike. Obertsdorf kommune omfattar omfattar 229,9 km² og hyser 9 649 ibuarar (2021). Småbyen Oberstdorf ligg 813 meter over havet.

Oberstdorf
by
Land	Tyskland
Stat	Bayern
Del av	Stimmkreis Lindau, Sonthofen
Oberstdorf 47°24′35″ N 10°16′45″ E
Wikimedia Commons: Oberstdorf

Oberstdorf er kjent som kurstad og vintersportsstad, og er eit populært utgangspunkt for fjellklatrarar. Med 17 000 gjestesenger og 2,5 millionar overnattingar i året, er Oberstdorf ein av Tysklands turistmagnetar.

I Oberstdorf ligg to internasjonalt kjente hoppbakkar: Schattenberg-bakken, som blir brukt under hoppveka, og ein skiflygingsbakke (Heini Klopfer-bakken) som er den tredje største i verda. Her finn ein blant anna 85 km skiløyper, 20 skiheiser og 44 km med alpinbakker.

Oberstdorf har arrangert verdsmeisterskap på ski i nordiske greiner i såvel 1987, som 2005 og 2021. Noregs troppar vart best i både 2005 og 2021.

Kjelder

• Denne artikkelen bygger på «Oberstdorf» frå Wikipedia på bokmål, den 8. desember 2008.

Bakgrunnsstoff

Commons har multimedium som gjeld: Oberstdorf

• Offisiell nettstad
• Informasjon om Oberstdorf
• Oberstdorf - ei virtuell vandring Arkivert 2005-01-29 ved Wayback Machine.