Ola Nyhuus

Ola Olsen Nyhuus (20. april 1827–11. mars 1874) var ein norsk gardbrukar, skogbestyrar og stortingsmann frå Trysil i Hedmark.

Ola Nyhuus
Fødd	20. april 1827 Trysil
Død	11. mars 1874 (46 år)
Yrke	bonde, politikar

Far hans var gardbrukar og fullmektig for det svenske firmaet AS Mölnbacka-Trysil. Sjølv arbeidde han ei tid på kontoret til Mölnbacka-Trysil, og då faren døydde overtok han som fullmektig for selskapet. Attåt var han stor skogeigar sjølv. Han var ordførar 1859-63 i Trysil, medlem av forlikskommisjonen og formann i matrikkelkommisjonen i heradet.

Han var stortingsmann 1865-66 for Hedemarkens amt, medlem av vegkomiteen. Også til Stortinget 1868-69 vart han vald, men grunna sjukdom møtte han ikkje.

Nyhus døydde på Størks i Trysil i 1874. Han var far til bibliotekaren Haakon Nyhuus.

Kjelder

• Lindstøl, Tallak (1857-1925) (1914). «Nyhuus, Ole Olsen». Stortinget og statsraadet: 1814-1914. Kristiania: Steen'ske bogtrykkeri. s. 650. 
• Biografisk informasjon om Ola Nyhuus NSD Norsk senter for forskningsdatas politikararkiv