Olav Lysne
Olav Lysne (fødd 3. juli 1963) er ein norsk informatikar. Han leier seksjonen for nettverk og distribuerte system ved Simula Research Laboratory. Han er òg professor ved Universitetet i Oslo, der han leier den strategiske forskingsgruppa ConSeRNS.
| Olav Lysne | |||
| Fødd | 3. juli 1963 | ||
|---|---|---|---|
| Nasjonalitet | Noreg | ||
| Område | datateknikk | ||
| Yrke | professor | ||
| Institusjonar | Oslomet – storbyuniversitetet | ||
| Alma mater | Det matematisk-naturvitskaplege fakultetet på UiO | ||
Lysne tok hovudfag i informatikk i 1988[1] og doktorgrad i 1991.[2] Han er leiar for Center for Resilient Networks and Communication (CRNA)[3] som forskar på tryggleik, robustheit og yting i nettverk og system, til identitets- og tillitshandtering, sikkerheitsbrukarvenlegheit, og dessutan formell verifisering av tryggleiksprotokollar og system. CRNA er finansiert av Samferdsledepartementet, og består av seksjon for kommunikasjonssystem ved Simula Research Laboratory,[4] Simula@UiB[5] ved Universitetet i Bergen og forskingsgruppa ConSeRNS ved Universitetet i Oslo.[6]
Olav Lysne har særleg forska på korleis nettverksarkitektur har innverknad på yting, tenestekvalitet og oppetid i datanettverk.[7] Spesielt har resultat knytt til målingar av robustheit i dei norske telenetta skapt debatt i telekom-bransjen.[8][9] I 2015 spelte han ei sentral rolle i å klargjera i kva grad Aftenposten sine funn av falske basestasjonar i Oslo var reelle.[10][11]
I 2014 og 2015 var Lysne var leiar for «Lysneutvalget» - eit regjeringsoppnemnt utval som kartla samfunnet sin digitale sårbarheit og føreslo informasjonstryggleikstiltak.[12][13] I 2016 vart Lysne II-utvalet nedsett. Dette utvalet fekk i oppgåve å greia ut behovet for digital grensekontroll i Noreg.[14]
Referansar
endre- ↑ Olav Lysne Syntaksorientert editor basert på 2-nivå BNF Hovedoppgave i informatikk - Universitetet i Oslo, 1988
- ↑ Olav Lysne Term rewriting techniques for systems based on generator induction Avhandling (dr. scient.) - Universitetet i Oslo, 1991 ISBN: 82-7368-071-1
- ↑ «CRNA». Simula Research Laboratory.
- ↑ «Section for Communication systems». Simula Research Laboratory.
- ↑ «Department of Security, Simula @ UiB». Simula Research Laboratory.
- ↑ «Om ConSeRNS». Universitetet i Oslo IFI.
- ↑ «Professor Olav Lysne». Simula Research Laboratory.
- ↑ CRNA - Centre for Resilient Networks & Applications (14.03.2014). «Robusthet i norske mobilnett, Tilstandsrapport 2013, CRNA». Simula Research Laboratory.
- ↑ «Tar til motmæle mot forskningskritikk». Inside Telecom. 03.05.2012.
- ↑ «PST: Ikke funnet grunnlag for falske basestasjoner». VG. Verdens Gang.
- ↑ «Overvåkningsavsløringen: Peker mot Kina og Russland». E24. E24.
- ↑ «Regjeringen oppnevner digitalt sårbarhetsutvalg». Regjeringa. 19.06.2014.
- ↑ «Norges nye, digitale trusselbilde». Aftenposten.
- ↑ «Ser på problemstillinger ved tilgang til den digitale informasjonsflyten inn og ut av Norge». Regjeringen.no (på norsk). Regjeringa. 24. februar 2016.
- Denne artikkelen bygger på «Olav Lysne» frå Wikipedia på bokmål, den 25. juni 2017.
Bakgrunnsstoff
endre- Publikasjonar av Olav Lysne i BIBSYS
- Publikasjonar av Olav Lysne i forskingsdokumentasjonssystemet Cristin