Ole Antonsson Holsen
norsk politikar
Ole Antonsson Holsen (18. september 1808–13. mai 1864) var ein norsk gardbrukar og stortingsmann frå Førde i Sunnfjord.
| Ole Antonsson Holsen | |
| Statsborgarskap | Noreg |
| Fødd | 18. september 1808 Førde |
| Død | |
| Yrke | politikar |
| Språk | norsk |
Holsen var son til ein gardbrukar. Han var i ein del år skulehaldar i omgangsskule. I 1831 tok han over farsgarden Holsen og dreiv denne sidan. År 1837 kom han med i det fyrste heradsstyret i Førde og var medlem av dette til 1859.
I 1845 og 1851 var Holsen 2. representant frå Nordre Bergenhus amt på Stortinget. På begge tingsamlingane var han medlem av budsjettkomiteen, siste gongen også av Lagtinget.
Han døydde på garden sin i Førde i 1864.
Kjelder endre
- Lindstøl, Tallak:Stortinget og Statsraadet 1814-1914. Kristiania, 1914